എംഎല്എമാരായ പിവി അന്വറിനും തോമസ് ചാണ്ടിക്കുമെതിരായ ഭൂമി കയ്യേറ്റ
ആരോപണം തെളിഞ്ഞാല് നടപടിയെടുക്കുമെന്ന് റവന്യുമന്ത്രി ഇ ചന്ദ്രശേഖരന്.
സര്ക്കാരിന് ഇക്കാര്യത്തില് മുന്വിധികളില്ലെന്നും റവന്യുമന്ത്രി വ്യക്തമാക്കി.
കയ്യേറ്റം സംബന്ധിച്ച് വിശദമായ റിപ്പോര്ട്ട് ആവശ്യപ്പെട്ടിട്ടുണ്ട്. ആലപ്പുഴ,
കോഴിക്കോട് കളക്ടര്മാരോട് വിശദമായി റിപ്പോര്ട്ട് കൈമാറാന് പറഞ്ഞതായാണ് ഇ
ചന്ദ്രശേഖരന് മാധ്യമങ്ങളോട് പറഞ്ഞത്.
നേരത്തെ സംഭവങ്ങള് സംബന്ധിച്ച പ്രാഥമിക
റിപ്പോര്ട്ടുകള് കിട്ടിയിരുന്നെന്നും ഇതേ തുടര്ന്നാണ് വിശദമായ റിപ്പോര്ട്ട്
തേടിയതെന്നും റവന്യു മന്ത്രി പറഞ്ഞു. ഇരു എംഎല്എമാരേയും മുഖ്യമന്ത്രി
പിണറായി വിജയന് നിയമസഭയില് പ്രതിരോധിക്കുകയും ന്യായീകരിക്കുകയും
ചെയ്തിരുന്നു.