ചിക്കഗോ: മോര്ട്ടണ്ഗ്രോവ് സെന്റ് മേരീസ് ദൈവാലയത്തില് പുതുതായി
നിര്മ്മിച്ച വി. യൗസേപിതാവിന്റെ ഗ്രോട്ടോയുടെ വെഞ്ചെരിപ്പ് കര്മ്മം
ഒക്റ്റോബര് 7-നു ശനിയാഴ്ച രാവിലെ 10 മണിക്ക് നടന്ന വി.ബലിയര്പ്പണത്തിന്
ശേഷം അഭി. മാര് മാത്യു മൂലക്കാട്ട് മെത്രാപ്പോലിത്താ നിര്വഹിച്ചു. വി.
ബലിയിലും തുടര്ന്ന നടന്ന കര്മ്മങ്ങളിലും പിതാവ് മുഖ്യ കാര്മ്മികത്വം
വഹിച്ചു. അസി. വികാരി റവ.ഫാ . ബോബന് വട്ടംപുത്ത് സഹ കാര്മികനായിരുന്നു.
പരി.കന്യകാമാതാവിന്റെ നാമദേയത്തിലുള്ള ഈ ദൈവാലയത്തില് വി.യൗസേ പിതാവിന്റെ
ഗ്രോട്ടോ വേണമെന്നുള്ള ഇടവക വിശ്വാസികളുടെ ആഗ്രഹം സാഫല്യമായതില് ഏവരും
സന്തോഷം പ്രകടിപ്പിച്ചു. നിരവധി വിശ്വാസികള് വി.ബലിയിലും
തുടര്കര്മ്മങ്ങളിലും പങ്കെടുത്തു ഗ്രോട്ടോയുടെ നിര്മ്മാണ പദ്ധതി
സ്പോണ്സര് ചെയ്ത് ജോയിച്ചന് ചെമ്മാച്ചേല് , ജോസ് പിണര്ക്കയില്, ജോസ്
കരികുളം ,സാബു നടുവീട്ടില് എന്നിവരാണ് . ഗ്രോട്ടോനിര്മ്മാണത്തിന്റെ
ശില്പകല നിര്വഹിച്ചത് ആര്ട്ടിസ്റ്റ്: ബിബിന് വട്ടംത്തൊട്ടിയിലാണ് .
പോള്സണ് കളങ്ങര, ജോയി ചെമ്മാച്ചേല്, സ്റ്റീഫന് ചൊള്ളംമ്പേല് , സി.
സില്വേരിയുസ് എന്നിവര് ചടങ്ങുകള്ക്ക് വേണ്ട ക്രമീകരണങ്ങള് ഒരുക്കി.
സ്റ്റീഫന് ചൊള്ളംമ്പേല് (പി.ആര്.ഒ.) അറിയിച്ചതാണിത്.