നടികള് മാത്രമല്ല, ലൈംഗിക അതിക്രമങ്ങള്ക്ക് ഇരയാകുന്നത്. നടന്മാരും ലൈംഗിക അതിക്രമങ്ങള്ക്ക് ഇരയാകുന്നുണ്ടെന്നാണ് ഒരു നടന് വെളിപ്പെടുത്തിയിരിക്കുന്നത്. പെണ്ണുങ്ങളെ വെല്ലുന്ന തരത്തില് നടന്മാര്ക്കും ലൈംഗികാതിക്രമങ്ങള് അനുഭവിക്കേണ്ടി വന്നിട്ടുണ്ടെന്നാണ് ഹോളിവുഡ് നടന് ഷീല് മരീനൈയുടെ വെളിപ്പെടുത്തല്.
സെക്സ് ആന്ഡ് സിറ്റി എന്ന ചിത്രത്തിലൂടെ പ്രേക്ഷക ശ്രദ്ധ നേടിയ നടനാണ് മരീനൈ. ‘സെക്സ് ആന്ഡ് സിറ്റിയ്ക്ക് ശേഷം ഹോളിവുഡിലെ പല പ്രമുഖരും എന്നെത്തേടി വന്നു. അവര്ക്ക് ഞാനൊരു മാംസക്കഷ്ണം മാത്രമായിരുന്നു.’ പീപ്പിള് മാഗസിന് നല്കിയ അഭിമുഖത്തില് മരീനൈ തുറന്നു പറഞ്ഞു. ‘പുരുഷന്മാര് മീ ടൂ ക്യാമ്ബയിനില് കാര്യമായി പങ്കെടുത്തിരുന്നില്ല. കാരണം ലൈംഗിക പീഡിനത്തെക്കുറിച്ച് പുറംലോകമറിഞ്ഞാല് ആണത്തം നഷ്ടമാകുമെന്നാണ് അവരുടെ ഭയം. ആണുങ്ങള് ഇരകളാകുന്നത് ആരും അറിയാറില്ല.’ മറീനൈ പറഞ്ഞു.
സോഷ്യല്മീഡിയയില് നടക്കുന്ന മീ ടൂ ക്യാമ്ബയിനിനെക്കുറിച്ച് സംസാരിക്കുകയായിരുന്നു അദ്ദേഹം. ഹാര്വി വെയ്ന്സ്റ്റീനെതിരായ ലൈംഗികാരോപണങ്ങളുടെ ചുവടുപിടിച്ചാണ് മീ ടൂ ക്യാമ്ബയിനിന് തുടക്കമായത്. ലൈംഗികാതിക്രമങ്ങള് എത്രത്തോളം വ്യാപകമായിക്കഴിഞ്ഞിരിക്കുന്നു എന്ന് ജനങ്ങളെ അറിയിക്കുക എന്നതായിരുന്നു ക്യാമ്ബയിനിന്റെ ഉദ്ദേശ്യം.