തിരുവനന്തപുരം: തിരുവനന്തപുരം പോത്തന്‍കോട,്‌ കല്യാണ സമയത്ത്‌ പറഞ്ഞ സ്‌ത്രീധനം ലഭിക്കാതിരുന്നപ്പോള്‍ കൂട്ടത്തല്ല്‌ നടന്നു. കഴിഞ്ഞ ദിവസം പരവൂരിലെ വിവാഹ വേദിയിലായിരുന്നു ്‌ കൂട്ടത്തല്ല്‌. വരന്റേയും വധുവിന്റെ വീട്ടുകാരും ബന്ധുക്കളുമാണ്‌ തമ്മില്‍ തല്ലിയത്‌. സ്വിഫ്‌റ്റ്‌ കാര്‍ ആയിരുന്നു ഇവിടുത്തെ വില്ലന്‍.

സ്‌ത്രീധനമായി നല്‍കാമെന്ന്‌ ഏറ്റിരുന്ന സ്വിഫ്‌റ്റ്‌ കാര്‍ നല്‍കാത്തതാണ്‌ വരനേയും വീട്ടുകാരെയും വിറളി പിടിപ്പിച്ചത്‌. പോത്തന്‍കോട്‌ കൊയത്തൂര്‍ക്കോണം സുജ നിലയത്തില്‍ ബാഹുലേയന്റെ മകന്‍ പ്രണവായിരുന്നു വരന്‍. ഐആര്‍പിഎഫില്‍ ഡ്രൈവറാണ്‌ പ്രണവ്‌. പുത്തന്‍പുരയില്‍ ചന്ദ്രബാബുവിന്റെ മകള്‍ നീന ചന്ദ്രന്‍ ആയിരുന്നു വധു. നീന കൊല്ലം പരവൂര്‍ കുറമണ്ഡല്‍ സ്വദേശിനിയാണ്‌.

വ്യാഴാഴ്‌ച ആയിരുന്നു ഇരുവരുടേയും വിവാഹം നടന്നത്‌. വിവാഹം കഴിഞ്ഞ്‌ എല്ലാവരും സന്തോഷമായി പിരിഞ്ഞതായിരുന്നു. വൈകിട്ട്‌ വധുവിന്റെ വീട്ടുകാര്‍ വരന്റെ വീട്ടിലേക്ക്‌ ചെന്നു. മറുവീട്‌ കാണല്‍ ചടങ്ങിന്റെ ഭാഗമായിട്ടായിരുന്നു വരവ്‌. വിവഹത്തിന്‌ പ്രണവിന്‌ സ്വിഫ്‌റ്റ്‌ കാര്‍ നല്‍കാമെന്ന്‌ നേരത്തെ ഇരുവീട്ടുകാരും തമ്മില്‍ ധാരണയില്‍ എത്തിയിട്ടുണ്ട്‌ായിരുന്നു.


മറുവീടുകാണല്‍ ചടങ്ങിനെത്തിയ വധുവിന്റെ വീട്ടുകാര്‍ സ്വിഫ്‌റ്റ്‌ കാര്‍ കൊണ്ടുവന്നിരുന്നില്ല. ഇത്‌ വരന്റെ അച്ഛനും സഹോദനും ചോദ്യം ചെയ്‌തു. ചോദ്യവും ഉത്തരവും തര്‍ക്കമായും കയ്യാങ്കളിയായും വളര്‍ന്നു. കാര്യങ്ങള്‍ കൈവിട്ടതോടെ നാട്ടുകാര്‍ ഇടപെട്ടു. പോലീസില്‍ വിവരം അറിയിക്കുകയും ചെയ്‌തു.