ന്യൂഡല്ഹി: ഭാര്യയെ ഉപേക്ഷിച്ചു
മുങ്ങിനടക്കുന്ന പത്തു പ്രവാസി ഇന്ത്യക്കാര്ക്കെതിരെ നടപടി വരുന്നു.
ഭാര്യമാരെ ഉപേക്ഷിച്ചുപോയ പത്തു പേരുടെ പാസ്പോര്ട്ടുകള് റദ്ദാക്കാന്
വിദേശകാര്യ മന്ത്രാലയത്തോട് ആവശ്യപ്പെടാന് കേന്ദ്ര വനിതാ, ശിശുക്ഷേമ
മന്ത്രി മേനക ഗാന്ധി വിളിച്ചുകൂട്ടിയ യോഗത്തില് തീരുമാനമായി.
മുങ്ങിയ ഭര്ത്താക്കന്മാര്ക്കെതിരെ തിരച്ചില് സര്ക്കുലര്
പുറപ്പെടുവിക്കാനുള്ള അധികാരം കൂടി നല്കി ഇത്തരം കേസുകളില് ഇടപെടാനുള്ള
സമിതിയെ ശക്തിപ്പെടുത്തും. ഡബ്ല്യുസിഡി സെക്രട്ടറിയുടെ നേതൃത്വത്തിലാണ്
പുതിയ സമിതി. നിയമ, ആഭ്യന്തര, വിദേശകാര്യ വകുപ്പുകളിലെ ഉദ്യോഗസ്ഥരും
സംഘത്തിലുണ്ട്.
ഇതുമായി ബന്ധപ്പെട്ട പരാതികള് ഉന്നയിക്കാന് ഒരു വെബ്സൈറ്റ് തുടങ്ങും.
ഇത്തരത്തില് മുങ്ങിയ ഭര്ത്താക്കന്മാരെ കണ്ടെത്തുന്നതിനും മറ്റുമായി
ലുക്ക്ഔട്ട് നോട്ടിസ് ഇറക്കാനും പദ്ധതിയുണ്ട്. 2015 മുതല് ഏതാണ്ട് 3328
പരാതികള് ആണ് വിവിധ സ്ത്രീകളില് നിന്നും ലഭിച്ചത്. ശക്തമായ നടപടികളുമായി
മുന്നോട്ടു പോകുമെന്ന് മന്ത്രി മേനക ഗാന്ധി വ്യക്തമാക്കി.