കാലിഫോര്ണിയ: അവിഭക്ത ഫൊക്കാനയുടെ പ്രസിഡന്റായിരുന്ന കളത്തില് പാപ്പച്ചന്റെ ഏക പുത്രന് സാക്ക് (സക്കറിയ-43) പാപ്പച്ചന് ശനിയാഴ്ച നിര്യാതനായി. ഫ്രിമോണ്ടില് കൈസര് പെര്മനന്റ് ഹോസ്പിറ്റലിലായിരുന്നു സാക്കിന്റെ അന്ത്യം.
ഭാര്യ ഏഞ്ചല. പുത്രി റെയ് ആന് (5).
കണക്ടിക്കട്ടിലുള്ള പാമെല അറക്കല് ആണു ഏക സഹോദരി. അലന് അറക്കല് ഭര്ത്താവാണ്.
ചേര്ത്തല സ്വദേശിയാണു കളത്തില് പാപ്പച്ചന്. ഭാര്യ മേരിക്കുട്ടി പാലാ വെള്ളപ്പള്ളി കുട്ടുംബാംഗം. കാനഡയില് ജനിച്ച സാക്ക് നാലാം വയസിലാണു അമേരിക്കയിലെത്തിയതെന്നു കളത്തില് പാപ്പച്ചന് പറഞ്ഞു. സ്റ്റുഡന്റ് കൗണ്സലറായി ജോലി ചെയ്തു വരികയായിരുന്നു.
മങ്കയുടെ സ്ഥാപക പ്രസിഡന്റായിരുന്നു കളത്തില് പാപ്പച്ചന്. ഫോമാ ലാസ് വേഗസ് കണ് വന്ഷന്റെ ചെയറും. ഏതാനും വര്ഷമായി കൊച്ചി തമ്മനത്താണു താമസം. പുത്രനു സ്റ്റ്രോക്ക് ഉണ്ടായ വിവരമറിഞ്ഞു പാപ്പച്ചനും പത്നിയും ഏതാനും ദിവസം മുന്പ് എത്തി.
പൊതുദര്ശനം: ബുധനാഴ്ച (ഫെബ്രു-21) വൈകിട്ട് 4 മുതല് 9 വരെ സെന്റ് തോമസ് സീറോ മലബാര് ചര്ച്ച്, 200നോര്ത്ത് ആബട്ട് അവന്യു, മില്പിറ്റസ്.
സംസ്കാര ശൂശ്രുഷ: വ്യാഴം (ഫെബ്രു-22) രാവിലെ 10 മണി: സെന്റ് ജോസഫ് കാത്തലിക്ക് ചര്ച്ച്, 43148 മിഷന് ബുലവാര്ഡ്, ഫ്രിമൊണ്ട്, കാലിഫോര്ണിയ-94539
കുടുംബത്തെ സഹായിക്കാന് മലയാളി അസോസിയേഷന് ഓഫ് നോര്ത്തേ കാലിഫോര്ണിയയുടെ (മങ്ക) നേത്രുത്വത്തില് ഫണ്ട് സമാഹരിക്കുന്നു.
അമേരിക്കന് മലയാളി സമൂഹത്തിനു ഏറെ സംഭാവനകള് നല്കിയ കളത്തില് പാപ്പച്ചന്റെ പുത്രനു ഇത്തരമാരു സാഹചര്യം ഉണ്ടായപ്പോള് സഹായിക്കാന് നമുക്ക് ഒരൊരുത്തര്ക്കും കടമയുണ്ട്.
വിദ്യാഭ്യാസത്തിനു ഏറെ പ്രാധാന്യം നല്കിയ സാക്കിന്റെ ഓര്മ്മക്കായി പുത്രിയുടെ വിദ്യാഭ്യാസ ചെലവുകള്ക്ക് സമാഹരിക്കുന്ന തുക സഹായകമാകുമെന്നു മങ്ക ഭാരവാഹികള് കരുതുന്നു.
501 നോണ് പ്രോഫിറ്റ് സംഘടനയാണു മങ്ക.
താഴെക്കാണു ലിങ്കില് സംഭാവനകള് എത്തിക്കാം