മരണത്തിനു മുമ്പ് കോടികളുടെ സ്വത്ത് സഞ്ജയ് ദത്തിന്റെ പേരില് എഴുതി വെച്ച് ആരാധിക
Published on 07 March, 2018
ജനുവരി 29ന് മുംബൈ
പോലീസിന്റെ ഫോണ്കോളില് നിന്നാണ് ഒരു ആരാധികയുടെ അതിശയകരമായ സമ്മാനത്തെപ്പറ്റി
ബോളിവുഡ് താരം സഞ്ജയ് ദത്ത് അറിയുന്നത്. മലബാര് ഹില്ലിലെ താമസക്കാരിയായ നിഷി
ഹരിഷ്ചന്ദ്ര ത്രിപാഠി എന്ന സ്ത്രീയെ സഞ്ജയ് ദത്തിന് അറിയില്ല. എന്നാല്
ദത്തിന്റെ കടുത്ത ആരാധികയായ നിഷ മരിച്ചത് തന്റെ പേരിലുള്ള കോടിക്കണക്കിന് രൂപ
വരുന്ന സ്വത്തെല്ലാം പ്രിയനടന്റെ പേരില് എഴുതിവച്ചാണ്. ഇക്കാര്യം അറിയിക്കാനാണ്
പോലീസ് സഞ്ജയ് ദത്തിനെ വിളിച്ചത്.
സ്വത്ത് സഞ്ജയ് ദത്തിന്
എഴുതിനല്കുന്നത് സംബന്ധിച്ച് നിരവധി തവണ ഇവര് ബാങ്ക് ഓഫ് ബറോഡയുടെ
വാക്കോഷ്വര് ശാഖയിലേയ്ക്ക് കത്തെഴുതിയിരുന്നു. ബന്ധുക്കളാണ് ബാങ്കുമായി നടത്തിയ
കത്തിടപാടുകള് മരണശേഷം കണ്ടെടുത്തത്.അവിവാഹിതയായ നിഷ എണ്പതു വയസ്സുള്ള
അമ്മയ്ക്കും മൂന്ന് സഹോദരങ്ങള്ക്കുമൊപ്പം മലബാര് ഹില്ലിലെ ത്രിവേണി
അപ്പാര്ട്ട്മെന്റിലെ ഒരു മൂന്ന് മുറി ഫ്ളാറ്റിലാണ് താമസിച്ചിരുന്നത് . ഈ
ഫ്ളാറ്റടക്കം ഏതാണ്ട് പത്ത് കോടി രൂപയുടെ ആസ്തിയാണ് നിഷയ്ക്ക്
ഉണ്ടായിരുന്നത്.
മരണത്തിന് ഏതാനും മാസങ്ങള്ക്ക് മുന്പാണ് അവര്
സ്വത്ത് ദത്തിന് എഴുതിവച്ചത്. സഞ്ജയ് ദത്തിന്റെ പേരാണ് അവര് നോമിനിയായി
ബാങ്കിന് എഴുതിനല്കിയത്. എന്നാല്, ഈ സ്വത്തിലെ ഒരു കാശും തനിക്ക് വേണ്ടെന്ന്
സഞ്ജയ് ദത്ത് ബാങ്കിനെ അറിയിച്ചിട്ടുണ്ട്. സ്വത്ത് നിഷയുടെ കുടുംബത്തിന്
തിരിച്ചുകൊടുക്കാനുള്ള ഒരുക്കത്തിലാണ് ദത്ത്.
ഇങ്ങനെയൊരു അനുഭവം ഇതാദ്യമാണ്. എന്തായാലും ആ സ്വത്ത് എനിക്ക് വേണ്ട.
അത് ഞാന് അവരുടെ കുടുംബത്തിന് തിരിച്ചുനല്കുകയാണ് ദത്ത് പറഞ്ഞു.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല