കൊച്ചിയില് നടിയെ ആക്രമിച്ച കേസില് ദൃശ്യങ്ങള് ആവശ്യപ്പെട്ട് നടന്
ദിലീപ് നല്കിയ ഹര്ജി തിങ്കളാഴ്ചത്തേക്ക് പരിഗണിക്കാന് ഹൈക്കോടതി മാറ്റി.
പ്രോസിക്യൂഷനും ദിലീപിന്റെ അഭിഭാഷകനും വാദത്തിനായി കൂടുതല് സമയം ആവശ്യപ്പെട്ട
സാഹചര്യത്തിലാണ് ഹര്ജി മാറ്റിയത്.
ദൃശ്യങ്ങള് നല്കുന്നത് ആക്രമിക്കപ്പെട്ട
പെണ്കുട്ടിയുടെ സ്വകാര്യതയെ ബാധിക്കും. ഈ സാഹചര്യത്തില് ദിലീപിന്റെ ആവശ്യം
അംഗീകരിക്കരുത് എന്നാണ് അന്വേഷണസംഘത്തിന്റെയും സര്ക്കാരിന്റെയും
നിലപാട്.
ഹൈകോടതിയിലെ ഹര്ജിയില് തീരുമാനമാകുന്നതുവരെ വിചാരണ
തുടങ്ങരുതെന്ന ദിലീപിന്റെ ആവശ്യം സിംഗിള് ബെഞ്ച് നേരത്തെ തള്ളിയിരുന്നു. നടിയെ
ആക്രമിച്ചതിന്റെ ദൃശ്യങ്ങള് ഒഴികെയുള്ള മുഴുവന് രേഖകളും ഫോറന്സിക് പരിശോധനാ
ഫലങ്ങളും വൈദ്യപരിശോധന ഫലങ്ങളും ദിലീപ് അടക്കമുള്ള പ്രതികള്ക്ക് നല്കാമെന്ന്
കഴിഞ്ഞ ദിവസം എറണാകുളം സെഷന്സ് കേടതി അറിയിച്ചിരുന്നു.
ദൃശ്യങ്ങള്
നല്കുന്നതില് ഹൈക്കോടതി തീരുമാനിക്കട്ടെ എന്നുമായിരുന്നു സെഷന്സ് കോടതി
വ്യക്തമാക്കിയിരുന്നത്.ദൃശ്യങ്ങള് ആവശ്യപ്പെട്ട് ദിലീപ് സമര്പ്പിച്ച
ഹര്ജിയെ പ്രോസിക്യുഷന് ശക്തമായി എതിര്ത്തിരുന്നു.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല