അഹമ്മദാബാദ്‌: ഇന്ത്യന്‍ നേവിയുടെ പൈലറ്റില്ലാ വിമാനം തകര്‍ന്നുവീണു. ഗുജറാത്തിലെ പോര്‍ബന്തറില്‍ രാവിലെ പത്തുമണിയോടെയാണ്‌ സംഭവം.

നാവികസേന എയര്‍ബേസില്‍ നിന്നും പതിവ്‌ നിരീക്ഷണങ്ങള്‍ക്കായി പറന്നുയര്‍ന്ന ഉടന്‍തന്നെയാണ്‌ വിമാനം തകര്‍ന്നുവീണത്‌. എഞ്ചിന്‍ തകരാറാണ്‌ അപകടകാരണമെന്നാണ്‌ പ്രാഥമിക നിഗമനം. സംഭവത്തില്‍ ആളപായമൊന്നുമില്ലെന്നും അന്വേഷണം ആരംഭിച്ചിട്ടുണ്ടെന്നും അധികൃതര്‍ അറിയിച്ചു.