Image

ഇന്ത്യന്‍ ജിയോ മൊബൈല്‍ നെറ്റ്വര്‍ക്ക് യൂറോപ്പിലും തുടങ്ങുന്നു

ജോര്‍ജ് ജോണ്‍ Published on 26 May, 2018
ഇന്ത്യന്‍ ജിയോ മൊബൈല്‍ നെറ്റ്വര്‍ക്ക് യൂറോപ്പിലും തുടങ്ങുന്നു
ഫ്രാങ്ക്ഫര്‍ട്ട്: ഇന്ത്യന്‍ റിലയന്‍സ് ജിയോ നെറ്റ്‌വെര്‍ക്ക് യൂറോപ്പിലും മിഡില്‍ ഈസ്റ്റിലേക്കും വ്യാപിപ്പിക്കാന്‍ പോകുന്നു. യൂറോപ്യന്‍ വിപണിയില്‍ ജിയോയെ വളര്‍ത്തിയെടുക്കുന്നതിന്റെ ആരംഭമെന്നോണം വടക്കന്‍ യൂറോപ്പിലെ എസ്റ്റോണിയയിലാണ് മുകേഷ് അംബാനി ആദ്യ പരീക്ഷണം നടത്താന്‍ പോകുന്നത്.
 
കുറഞ്ഞ നിരക്കുകളില്‍ ഡാറ്റയും കോള്‍ ഓഫറുകളും നല്‍കി ഇന്ത്യന്‍ വിപണി കീഴടക്കിയ ജിയോ എസ്റ്റോണിയയില്‍ തുടക്കമിട്ടാല്‍ മറ്റ് യൂറോപ്യന്‍ രാജ്യങ്ങളിലേക്കും വ്യാപിപ്പിക്കാനാകുമെന്നാണ് കരുതുന്നത്. എസ്റ്റോണിയയില്‍ ഇന്ത്യയുടെ ഇ-ഗവേര്‍ണന്‍സ് സംവിധാനം സ്ഥാപിക്കാന്‍ താല്‍പര്യമുണ്ടെന്ന് അംബാനി പറഞ്ഞു. ഇതിന്റെ ഭാഗമായി മുകേഷ് അംബാനി എസ്റ്റൊണിയന്‍ സര്‍ക്കാര്‍ പ്രതിനിധിയുമായി കൂടിക്കാഴ്ച നടത്തി.
 
അധികം താമസിയാതെ ജര്‍മനി, ഫ്രാന്‍സ് എന്നീ രാജ്യങ്ങളിലേക്കും റിലയന്‍സ് ജിയോ നെറ്റ്‌വെര്‍ക്ക് വ്യാപിപ്പിക്കാനാണ് ശ്രമം. റിലയന്‍സ് ഇന്‍ഡസ്ട്രിയല്‍ ഇന്‍വെസ്റ്റ്‌മെന്റ്‌സ്, ഹോള്‍ഡിംഗ്‌സ് ലിമിറ്റഡ് എന്നിവര്‍ ചേര്‍ന്നാണ് പദ്ധതി നടപ്പിലാക്കുക. ഈ പദ്ധതി നടപ്പിലാക്കുന്നതിനായി റിലയന്‍സ് 12.20 കോടി രൂപ നിക്ഷേപിക്കും.

ഇന്ത്യന്‍ ജിയോ മൊബൈല്‍ നെറ്റ്വര്‍ക്ക് യൂറോപ്പിലും തുടങ്ങുന്നു
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക