ഫോമാ കണ് വന്ഷന് നടത്താന് ന്യു യോര്ക്ക് എന്തു കൊണ്ടും അനുയോജ്യമാണെന്നു അവിഭക്ത ഫൊക്കാനപ്രസിഡന്റ് ജെ. മാത്യൂസ്. 1998-ല് താന് പ്രസിഡന്റായിരിക്കെ ന്യു യോര്ക്കിലെ റോച്ചസ്റ്ററില് കണ്വന്ഷന് നടത്തിയ ശേഷം സ്റ്റേറ്റില് പിന്നീട് കണ് വന്ഷന് നടന്നിട്ടില്ലെന്ന് അദ്ധേഹം ചുണ്ടിക്കാട്ടി
കണ് വന്ഷനു അനുകൂലമായ പല ഘടകങ്ങള് ന്യു യോര്ക്കിലുണ്ട്. ജന പിന്തുണയുള്ള സംഘടനകള്, കണ്വന്ഷന് നടത്താന് ആദ്യം കണ്ടെത്തുന്നത് ന്യൂയോര്ക്കാണ്.
കാരണങ്ങള് വ്യക്തമാണ്. ലോക തലസ്ഥാനമെന്നു ന്യു യോര്ക്കിനെ വിശേഷിപ്പിക്കാം. ആഗോളതലത്തില്, ലോക സാമ്പത്തിക സിരാകേന്ദ്രം
അതിനു പുറമെ സവിശേഷതകള് നിറഞ്ഞ ആകര്ഷണീയമായ ടൂറിസ്റ്റ് സെന്റര്- വെക്കേഷന് ഏറ്റവും പറ്റിയതും.
ന്യു യോര്ക്ക് വലിയ ചെലവുള്ള സ്ഥലമാണെന്നു പറയുന്നത് മുഴുവന് ശരിയല്ല. ഏറ്റവും കുറഞ്ഞ ചെലവിലും ജീവിക്കാന് കഴിയുന്ന വലിയ നഗരമാണിത്. അതോടൊപ്പം വലിയ ഹോട്ടലുകളും, ഫാസ്റ്റ് ഫുഡ്, മോട്ടല് എന്നിവയും ധാരാളം.
എടുത്തു പറയത്തക്ക മറ്റൊന്നു യാത്രാ സൗകര്യമാണ്. എല്ലാ രാജ്യങ്ങളില് നിന്നും വിമാന മാര്ഗ്ഗം വന്നെത്താനുള്ള സാധ്യത. അമേരിക്കയിലെ എല്ലാ നഗരങ്ങളില് നിന്നും ന്യൂയോര്ക്കിലെത്തുന്ന ലോക്കല് ഫ്ളൈറ്റ്സ്.
സിറ്റിയിലേക്ക് ഡ്രൈവ് ചെയ്ത്വന്നെത്താന് കഴിയുന്നന്യൂജേഴ്സി, ഫിലാഡല്ഫിയ, കണക്ടിക്കട്ട്, വാഷിംഗ്ടണ് ഡി.സി, മേരിലാന്ഡ് തുടങ്ങിയ നോര്ത്ത് ഈസ്റ്റേണ് മേഖലയാണ് സംഘടനയുടെ ഏറ്റവും വലിയ ശക്തികേന്ദ്രം.
ന്യൂയോര്ക്കിലാണ് 2020 ഫോമാ കണ്വന്ഷന് നടക്കുന്നതെങ്കില് രണ്ടര ലക്ഷം ഡോളറിന്റെ സ്പോണ്സര് വാഗ്ദാനം ഇതിനകം ഉറപ്പായി കഴിഞ്ഞു.
ആതിഥേയത്വം വഹിക്കാന് ശക്തിയും ആള്ബലവും, സന്നദ്ധതയുമുള്ള ഫോമ അംഗ സംഘടനകള് ഇവിടെ ധാരാളമുണ്ട്.
ആരംഭം മുതല് ഫോമയ്ക്കുവേണ്ടി സമയവും സമ്പത്തും ചെലവഴിച്ച് മുന്നിരയില് നിന്നിട്ടുള്ള ത്യാഗമതികളായ നേതാക്കള്, പരിചയസമ്പന്നര്, സംഘാടകര് എല്ലാം ഈ മേഖലയിലുണ്ടെന്നത് എല്ലാവര്ക്കും അറിയാം
1998-ല് നടന്ന റോച്ചസ്റ്റര് കണ്വന്ഷന് ജനകീയ പങ്കാളിത്തത്തില് ഏറ്റവും വലുതായി ഇന്നും നിലനില്ക്കുന്നു. അതിന്റെ മുഖ്യകാരണം കണ്വന്ഷന് സ്ഥലം ന്യൂയോര്ക്ക് ആയതു കൊണ്ടാണ്.
2020-ല് ന്യൂയോര്ക്കില് ഫോമ കണ്വന്ഷന് നടന്നാല് അത് ചരിത്രം സൃഷ്ടിക്കും. കാരണം: നേതൃത്വം കൊടുക്കുന്നവര് ഫോമ എന്താണെന്ന് അറിയുന്നവരും ആദ്യം മുതല് അതിനെ വളര്ത്തിയവരുമാണ്.