കോഴിക്കോട്‌: കോഴിക്കോട്‌ കട്ടിപ്പാറയില്‍ ഉരുള്‍പൊട്ടലില്‍ അകപ്പെട്ടവര്‍ക്കായി ഇന്നും തിരച്ചില്‍ തുടരും. പന്ത്രണ്ട്‌ പേര്‍ മരണമടഞ്ഞ ദുരന്തത്തില്‍ ഇനി രണ്ട്‌ പേരെയാണ്‌ കണ്ടുകിട്ടാനുള്ളത്‌. ദുരന്തത്തില്‍ അകപ്പെട്ട കരിഞ്ചോല അബ്ദുറഹിമാന്റെ ഭാര്യ നഫീസ, ഹസന്റെ ഭാര്യ ആസ്യ എന്നിവര്‍ക്കായാണ്‌ തിരച്ചില്‍ തുടരുന്നത്‌. ഇന്നലെ നാല്‌ മൃതദേഹം കണ്ടെടുത്ത താഴ്‌ന്ന പ്രദേശങ്ങള്‍ കേന്ദ്രീകരിച്ചായിരിക്കും ഇന്നും തിരച്ചില്‍ തുടരുക.


ചെന്നൈയില്‍ നിന്ന്‌ എത്തിയ 39 അംഗങ്ങള്‍ കൂടി ചേര്‍ന്നതോടെ ദേശീയ ദുരന്തനിവാരണ സേനയുടെ അംഗബലവും 78 ആയി. ഇവരെല്ലാം ചേര്‍ന്ന്‌ പത്ത്‌ വിഭാഗങ്ങളായി തിരിഞ്ഞാണ്‌ തെരച്ചില്‍ നടത്തുന്നത്‌. കൂറ്റന്‍ പാറകള്‍ പൊട്ടിച്ചും മരങ്ങള്‍ മുറിച്ച്‌ മാറ്റിയും ഏറെ ദുസ്സഹമാണ്‌ പ്രവൃത്തികള്‍.