ബോളിവുഡിന്റെ പ്രിയ സുന്ദരി പ്രിയങ്ക ചോപ്രയുടെ അംഗീകാരങ്ങള് ഓരോ ദിവസവും ആരാധകരെ ആവേശത്തിലാക്കുകയാണ്. ഫാഷന് മാഗസിനായ മാക്സിമിന്റെ ഹോട്ട് 100 ലിസ്റ്റില് നാലാം തവണയും ഇടം നേടിയിരിക്കുകയാണ് താരം. ദ ഹോട്ടസ്റ്റ് വുമണ് ഓണ് ദ പ്ലാനറ്റ് എന്നതിലേക്കും താരം തിരഞ്ഞെടുക്കപ്പെട്ടിട്ടുണ്ട്.മാഗസിന്റെ കവര്ഗേളും പ്രിയങ്കയാണ്. ആദ്യമായി മാക്സിമിന്റെ ഹോട്ട് 100 ലിസ്റ്റില് പ്രിയങ്ക സ്ഥാനം പിടിക്കുന്നത് 2011ലാണ്, പിന്നീട് 2013, 2016 വര്ഷങ്ങളിലും പ്രിയങ്ക ഈ പട്ടികയിലുള്പ്പെട്ടിരുന്നു.അംഗീകാരങ്ങള്ക്കിടയില് താരത്തിന്റെ വിവാഹവും ബോളിവുഡില് ചര്ച്ചാ വിഷയമാണ്. അമേരിക്കന് ഗായകന് നിക് ജോനാസിന്റെയും പ്രിയങ്ക ചോപ്രയുടെയും വിവാഹ നിശ്ചയം ജൂലൈയില് നടക്കുമെന്നാണ് റിപ്പോര്ട്ടുകള് വ്യക്തമാക്കുന്നത്. അടുത്തിടെ ഇന്ത്യയിലെത്തിയ നിക്ക് പ്രിയങ്കയുടെ മാതാപിതാക്കളെ കണ്ടിരുന്നു.