കോട്ടയം: ലൈംഗിക പരാതിയില്‍ ജലന്ധര്‍ ബിഷപ്പിനെതിരായ നടപടി വൈകുന്നത്‌ ചൂണ്ടിക്കാട്ടി കന്യാസ്‌ത്രീകള്‍ സി.പി.എം കേന്ദ്ര നേതൃത്വത്തെ സമീപിച്ചു. ഇടത്‌ സര്‍ക്കാറില്‍ നിന്ന്‌ കന്യാസ്‌ത്രീക്ക്‌ നീതി കിട്ടിയില്ലെന്ന്‌ ചൂണ്ടിക്കാട്ടി സി.പി.എം ജനറല്‍ സെക്രട്ടറി സീതാറാം യെച്ചൂരിക്കാണ്‌ പരാതി നല്‍കിയത്‌. ഇരക്ക്‌ നിതീ ഉറപ്പാക്കണമെന്ന്‌ ആവശ്യപ്പെട്ട്‌ സമരം ചെയ്യുന്ന കുറവിലങ്ങാട്‌ മഠത്തിലെ കന്യാസ്‌ത്രീകളാണ്‌ ഇമെയ്‌ല്‍ വഴി പരാതി അയച്ചത്‌.
സ്‌ത്രീ വിരുദ്ധരെ സംരക്ഷിക്കില്ല എന്നത്‌ സി.പി.എമ്മിന്റെ പ്രഖ്യാപിത നിലപാടാണ്‌. അതിനാല്‍ വിഷയത്തില്‍ പാര്‍ട്ടി കേന്ദ്ര നേതൃത്വത്തിന്റെ ശക്തമായ ഇടപെടല്‍ ഉണ്ടാകണമെന്നും കന്യാസ്‌ത്രീകള്‍ കത്തില്‍ ആവശ്യപ്പെടുന്നു.