പ്രളയതാണ്ഡവം (ഡോക്ടര്‍ നന്ദകുമാര്‍ ചാണയില്‍)
SAHITHYAM
07-Oct-2018
നിനച്ചിരിക്കാത്തൊരു നേരം
സമസ്തകേരളദേശവും ആഴ്ത്തിയോ
പ്രളയപയോധിയില്‍ !!
സ്വന്തമെന്നോതി പുണര്‍ന്നതെല്ലാം
പ്രളയക്കെടുതി കവര്‍ന്നല്ലോ ദൈവമേ !
കവികള്‍ പുകഴ്ത്തിയ ഹരിതാഭ കേരളം
ശ്മശാനസമാനം ഞൊടിയിടമാത്രയില്‍ !
ജീവനോപായങ്ങള്‍ കൊള്ളയടിച്ചല്ലോ
നിര്‍ദ്ദയം പ്രളയ കരാളമാം കയ്യുകള്‍.
ദുര്‍വൃത്തികൊണ്ട് രമിച്ച് മദിച്ചൊരു
കേരളമക്കള്‍ തന്‍ കണ്മുന്നിലായി
സസ്യശ്യാമള കോമള കേരളം
ഹരിതവര്‍ണ്ണങ്ങളെ കൈവിട്ടരുവിയായ് !
മലനാടിന്‍ മക്കളെ ചേറാലും ചെളിയാലും
ജ്ഞാനസ്‌നാനം ചെയ്യിച്ചല്ലോ വരുണനും.
ജലാഭിഷേകേന നിമ്‌നോന്നതങ്ങളില്‍
ജലദേവതയാടി തിമിര്‍ത്തുല്ലസിച്ചു
കണ്ടു മടുത്തൂ പരിസ്ഥിതിപാലകര്‍
വെട്ടിനിരത്തും നിബിഡ വനങ്ങളെ
വയല്‍വേല, പാടങ്ങളൊക്കെ നിരത്തി,
മാളികമുകളേറിയ മന്നന്മാര്‍
നിലം തൊടാനാവാഞ്ഞ് കേണു വിളിച്ചു
കേരള സ്രഷ്ടാവാം ശ്രീ പരശുരാമനെ
ഖിന്നനാം ദേവന്‍ തരസായിറങ്ങി
കണ്ടു ഹതാശനായ് മലയാളനാടിനെ !
ദൈവത്തിന്‍ സ്വന്തം നാടെന്നൊരു കീര്‍ത്തിയില്‍
ഊറ്റം കൊണ്ടോരു നാടോയിത്!
ഇന്നതിന്‍ നിലയെത്ര പരിതാപപൂരിതം
നിയതി തന്‍ നിശ്ചയം നാമറിയുന്നുവോ?
മഴുവെറിഞ്ഞാഴിയില്‍ നിന്നും നികത്തിയ
ഭൂമിയും വെള്ളത്തില്‍ മുങ്ങി കിടക്കുന്നു
ശാപമോക്ഷം നല്‍കി കാത്തുരക്ഷിക്കണോ,
ശിക്ഷിക്കണോ, ഇവര്‍ പശ്ചാത്തപിക്കുമോ?
ചിന്തിച്ചു ചിന്തിച്ചോരുടയോനും സംസാര
സാഗരമദ്ധ്യേ ആണ്ടു സമാധിയില്‍.
സമസ്തകേരളദേശവും ആഴ്ത്തിയോ
പ്രളയപയോധിയില്‍ !!
സ്വന്തമെന്നോതി പുണര്‍ന്നതെല്ലാം
പ്രളയക്കെടുതി കവര്‍ന്നല്ലോ ദൈവമേ !
കവികള്‍ പുകഴ്ത്തിയ ഹരിതാഭ കേരളം
ശ്മശാനസമാനം ഞൊടിയിടമാത്രയില്‍ !
ജീവനോപായങ്ങള്‍ കൊള്ളയടിച്ചല്ലോ
നിര്‍ദ്ദയം പ്രളയ കരാളമാം കയ്യുകള്‍.
ദുര്‍വൃത്തികൊണ്ട് രമിച്ച് മദിച്ചൊരു
കേരളമക്കള്‍ തന്‍ കണ്മുന്നിലായി
സസ്യശ്യാമള കോമള കേരളം
ഹരിതവര്‍ണ്ണങ്ങളെ കൈവിട്ടരുവിയായ് !
മലനാടിന്‍ മക്കളെ ചേറാലും ചെളിയാലും
ജ്ഞാനസ്‌നാനം ചെയ്യിച്ചല്ലോ വരുണനും.
ജലാഭിഷേകേന നിമ്‌നോന്നതങ്ങളില്‍
ജലദേവതയാടി തിമിര്‍ത്തുല്ലസിച്ചു
കണ്ടു മടുത്തൂ പരിസ്ഥിതിപാലകര്‍
വെട്ടിനിരത്തും നിബിഡ വനങ്ങളെ
വയല്‍വേല, പാടങ്ങളൊക്കെ നിരത്തി,
മാളികമുകളേറിയ മന്നന്മാര്‍
നിലം തൊടാനാവാഞ്ഞ് കേണു വിളിച്ചു
കേരള സ്രഷ്ടാവാം ശ്രീ പരശുരാമനെ
ഖിന്നനാം ദേവന്‍ തരസായിറങ്ങി
കണ്ടു ഹതാശനായ് മലയാളനാടിനെ !
ദൈവത്തിന്‍ സ്വന്തം നാടെന്നൊരു കീര്‍ത്തിയില്‍
ഊറ്റം കൊണ്ടോരു നാടോയിത്!
ഇന്നതിന്‍ നിലയെത്ര പരിതാപപൂരിതം
നിയതി തന്‍ നിശ്ചയം നാമറിയുന്നുവോ?
മഴുവെറിഞ്ഞാഴിയില്‍ നിന്നും നികത്തിയ
ഭൂമിയും വെള്ളത്തില്‍ മുങ്ങി കിടക്കുന്നു
ശാപമോക്ഷം നല്‍കി കാത്തുരക്ഷിക്കണോ,
ശിക്ഷിക്കണോ, ഇവര്‍ പശ്ചാത്തപിക്കുമോ?
ചിന്തിച്ചു ചിന്തിച്ചോരുടയോനും സംസാര
സാഗരമദ്ധ്യേ ആണ്ടു സമാധിയില്‍.
Facebook Comments
Comments.
Leave a reply.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
ഇങ്ങളാ കബിതയിൽ ഉടയോനെകൊണ്ട്ട്
സംശയിപ്പിക്കുന്ന ഭാഗത്തെക്കുറിച്ച്
ഞമ്മടെ അഭിപ്രായം അവന്മാരെയൊക്കെ
ശിക്ഷിക്കണമെന്നാണ്. കാടും പടലവും
വെട്ടിവെളുപ്പിച്ച് പുഴയും വറ്റിച്ച് പ്രളയം
വരെ വരുത്തിയ ഇബി ലീസുകൾ. അവന്മാര്
പരശുരാമനെയൊക്കെ ബിളിക്കുന്നത് കൊള്ളാം
ഓൻ അവന്മാരുടെ കയ്‌തു ആ മഴുകൊണ്ട്
വെട്ടിയെടുക്കണം. എന്തായാലും അമേരിക്കയിൽ
ഇരുന്നു ഇങ്ങള് നാട്ടിലെ പ്രളയത്തത്തെക്കുറിച്ച്
എയ്തിയ കബിത അർത്ഥസമ്പുഷ്ടമാണ്. മാളിക
പുറത്ത് കയറി നിലം തൊടാനാവാഞ്ഞ അവർക്ക്
നിലത്തേക് ഇറങ്ങാൻ പറ്റാതായി. സാഹിബ് , നന്നായി
എന്ന് ഞ്ഞാമ്മന്റെ ചെറിയ അറിവിൽ തോന്നുന്നു.
നമ്മുടെ വിദ്യാധരൻ സാഹിബും , ശശി സാഹിബും
ആധികാരികമായി അഭിപ്രായം പറയുമെന്ന്
ആശിക്കാം. നല്ല വരികളിൽ ഒന്ന് " നിർദ്ദയം പ്രളയ
കരാളമാം കയ്യുകൾ".