കോഴിക്കോട്‌: ചിത്തിര ആട്ട വിശേഷത്തിനായി ശബരിമല നട തുറന്ന ദിവസം സന്നിധാനത്ത്‌ സുരക്ഷാ ചുമതലക്കെത്തിയ മുഴുവന്‍ വനിത പോലീസുകാരുടെയും ജനന തീയതി തെളിയിക്കുന്ന രേഖകള്‍ താന്‍ പരിശോധിച്ചതായി ആര്‍.എസ്‌.എസ്‌ നേതാവ്‌ വത്സന്‍ തില്ലങ്കേരി.

എസ്‌.പിമാരുടെ സഹകരണത്തോടെയാണ്‌ പരിശോധിച്ചതെന്നും തില്ലങ്കേരി വെളിപ്പെടുത്തി.

കോഴിക്കോട്‌ മുതലക്കുളത്ത്‌ നടന്ന ശബരിമല സംരക്ഷണ സംഗമത്തിലാണ്‌ തില്ലങ്കേരിയുടെ വെളിപ്പെടുത്തല്‍. സന്നിധാനത്തെത്തിയ വനിതാപോലീസുകാരില്‍ ഒരാളുടെ ഭര്‍ത്താവിന്റെ പ്രായം 49 വയസായിരുന്നു. ഇതു സംബന്ധിച്ച്‌ രണ്ട്‌ എസ്‌.പിമാരുമായി സംസാരിക്കുകയും അവര്‍ സന്നിധാനവുമായി ബന്ധപ്പെടുകയും ചെയ്‌തിരുന്നു.