പമ്പ: ശബരിമലയില്‍ ദര്‍ശനത്തിനെത്തിയ യുവതിയ്‌ക്കെതിരെ പമ്പയില്‍ പ്രതിഷേധം. ആന്ധ്രാ സ്വദേശിനിയായ യുവതിയ്‌ക്കെതിരെയാണ്‌ പ്രതിഷേധവുമായി ഒരുകൂട്ടര്‍ രംഗത്തുവന്നത്‌.

28 വയസുള്ള ആന്ധ്ര സ്വദേശിനിയ്‌ക്കെതിരെയാണ്‌ പ്രതിഷേധം ഉയര്‍ന്നത്‌. ഡോളിയിലായിരുന്നു യുവതി സന്നിധാനത്തേക്ക്‌ പോയത്‌. യുവതി മരക്കൂട്ടംവരെയെത്തിയശേഷമായിരുന്നു ഇവര്‍ക്കെതിരെ പ്രതിഷേധം ഉയര്‍ന്നത്‌. തുടര്‍ന്ന്‌ പൊലീസ്‌ അവിടേക്കെത്തുകയും യുവതിയെ പമ്പയിലേക്ക്‌ തിരിച്ചുകൊണ്ടുവരികയുമായിരുന്നു. ഇതോടെ പ്രതിഷേധക്കാരും യുവതിക്കു പിന്നാലെ പമ്പയിലേക്കെത്തി.

ഇന്ന്‌ ഉച്ചയ്‌ക്ക്‌ 12 മണിയോടെയായിരുന്നു സംഭവം. ഇങ്ങനെയൊരു സ്‌ത്രീ സന്നിധാനത്തേക്ക്‌ പോകുന്നുവെന്ന കാര്യം അറിഞ്ഞിരുന്നില്ലെന്നാണ്‌ പൊലീസ്‌ പറയുന്നത്‌.