തെലുങ്കിലും താരമാകാന്‍ ഒടിയന്‍ മാണിക്യന്‍
Published on 10 December, 2018
ഒടിയന്‍ തിയേറ്ററുകളിലെത്താന്‍ ദിനങ്ങള്‍ മാത്രം ശേഷിക്കെ ചിത്രത്തിന്റെ തെലുങ്ക്‌ ടീസര്‍ പുറത്തുവിട്ട്‌ മോഹന്‍ലാല്‍. മികച്ച പ്രതികരണമാണ്‌ ടീസറിന്‌ പ്രേക്ഷകരില്‍ നിന്ന്‌ ലഭിക്കുന്നത്‌. അതേസമയം, ഡിസംബര്‍ 14 ന്‌ പുറത്തിറങ്ങാനിരിക്കുന്ന ഒടിയന്റെ സെന്‍സറിംഗ്‌ പൂര്‍ത്തിയായി. ചിത്രത്തിന്‌ ക്ലീന്‍ യു സര്‍ട്ടിഫിക്കറ്റാണ്‌ ലഭിച്ചിരിക്കുന്നത്‌.
രണ്ടു മണിക്കൂര്‍ 43 മിനിറ്റാണ്‌ ചിത്രത്തിന്റെ
ദൈര്‍ഘ്യം. ഇരുട്ടിന്റെ രാജാവായുള്ള ഒടിയന്‍ മാണിക്യന്റെ വരവ്‌ ആഘോഷമാക്കാനുള്ള
പ്രവര്‍ത്തനങ്ങളിലാണ്‌ ചിത്രത്തിന്റെ അണിയറ പ്രവര്‍ത്തകരും ആരാധകരും.
ഒടിയന്‍
സ്റ്റ്യാച്യുവും, ഒടിയന്‍ ആപ്പും അങ്ങിനെ എല്ലാം ഏറെ ആവേശത്തോടെയാണ്‌ ആരാധകര്‍
ഏറ്റെടുത്തിരിക്കുന്നത്‌. വിവിധ ഗെറ്റപ്പുകളില്‍ ഉള്ള മോഹന്‍ലാലിന്റെ
സ്റ്റില്ലുകളും മറ്റും ഏറെ ആവേശത്തോടെയാണ്‌ ആരാധകര്‍ ഏറ്റെടുക്കുന്നത്‌.
30 മുതല്‍
65 വയസ്‌ വരെയുള്ള കഥാപാത്രങ്ങളെയാണ്‌ മോഹന്‍ലാല്‍ മാണിക്യന്‍ എന്ന വേഷത്തിലൂടെ
അവതരിപ്പിക്കുന്നത്‌
ശ്രീകുമാര്‍ മേനോന്‍ സംവിധാനം ചെയ്യുന്ന ചിത്രത്തിന്‌
ആക്ഷന്‍ രംഗങ്ങള്‍ ഒരുക്കുന്നത്‌ പുലിമുരുകനിലെ ആക്ഷന്‍ രംഗങ്ങളിലൂടെ മലയാളക്കരയെ
ത്രസിപ്പിച്ച പീറ്റര്‍ ഹെയ്‌നാണ്‌.
മധ്യകേരളത്തില്‍ ഒരു കാലത്ത്‌ നില നിന്നിരുന്ന
ഒടിവിദ്യയും മറ്റുമാണ്‌ സിനിമയുടെ ഇതിവൃത്തമായി വരുന്നത്‌. ഫാന്റസി ഗണത്തിലാണ്‌
സിനിമ നിര്‍മ്മിക്കുന്നത്‌. നരേന്‍, സിദ്ദിഖ്‌, ഇന്നസെന്റ്‌, മഞ്‌ജു വാര്യര്‍
എന്നിവര്‍ ചിത്രത്തില്‍ പ്രധാന വേഷത്തിലെത്തുന്നു. ആന്റണി പെരുമ്പാവൂരാണ്‌ ചിത്രം
നിര്‍മ്മിക്കുന്നത്‌.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala