വിഷയത്തില്‍ അടിയന്തരപ്രമേയത്തിന്‌ അനുമതി നിഷേധിച്ചതോടെ പ്രതിപക്ഷം സഭ ബഹിഷ്‌കരിച്ചു. പ്രതിപക്ഷ അംഗങ്ങള്‍ സഭ വിട്ടു പുറത്തുപോകുന്നതിനിടെ വീണ്ടും പ്രകോപനവുമായി ഭരണപക്ഷ അംഗങ്ങള്‍ എത്തിയതോടെയാണ്‌ ഉന്തും തള്ളുമായത്‌. മുതിര്‍ന്ന അംഗങ്ങള്‍ ഇടപെട്ടാണ്‌ രംഗം ശാന്തമാക്കിയത്‌.

നിയമസഭയുടെ ചരിത്രത്തിലുണ്ടാകാത്ത രീതിയിലുള്ള പ്രതികരണങ്ങളാണ്‌ ഭരണപക്ഷത്തിന്‍റെ ഭാഗത്തു നിന്നുമുണ്ടായതെന്ന്‌ പ്രതിപക്ഷ നേതാവ്‌ രമേശ്‌ ചെന്നിത്തല പ്രതികരിച്ചു. സഭയ്‌ക്ക്‌ നാണക്കേടുണ്ടാക്കരുതെന്ന്‌ സ്‌പീക്കറും അംഗങ്ങളെ ഓര്‍മിപ്പിച്ചു