കാര്‍ഷികവായ്‌പ: മധ്യപ്രദേശിന്‌ പിന്നാലെ ഛത്തീസ്‌ഗഢിലും വാഗ്‌ദാനം പാലിച്ച്‌ കോണ്‍ഗ്രസ്‌ ;ഛത്തീസ്‌ഗഢില്‍ കര്‍ഷകര്‍ക്കായി സര്‍ക്കാര്‍ തള്ളുന്നത്‌ 6100 കോടി
Published on 18 December, 2018
മധ്യപ്രദേശിന്‌ പുറമേ ഛത്തീസ്‌ഗഢിലും വാഗ്‌ദാനം പാലിച്ച കോണ്‍ഗ്രസ്‌ സര്‍ക്കാര്‍ 16.65 ലക്ഷം കര്‍ഷകരുടെ 6100 കോടി രുപയുടെ വായ്‌പകള്‍ എഴുതിത്തള്ളി. ചത്തീസ്‌ഗഢ്‌ ഗ്രാമീണ ബാങ്കില്‍ നിന്നും സംസ്ഥാനത്തെ സഹകരണ ബാങ്കുകളില്‍ നിന്നും എടുത്തിട്ടുളള ഹ്രസ്വകാല വായ്‌പകളാണ്‌ എഴുതി ത്തള്ളുന്നതെന്ന്‌ അധികാരമേറ്റെടുത്തതിന്‌ ശേഷം നടത്തിയ പത്രസമ്മേളനത്തില്‍ മുഖ്യമന്ത്രി ഭൂപേഷ്‌ ഭഗേല്‍ പറഞ്ഞു.
അധികാരത്തിലേറി പത്ത്‌ ദിവസത്തിനുള്ളില്‍ കര്‍ഷക കടങ്ങള്‍ എഴുതിത്തള്ളുമെന്ന്‌ കോണ്‍ഗ്രസ്‌ അധ്യക്ഷന്‍ രാഹുല്‍ ഗാന്ധി നല്‍കിയ വാഗ്‌ദാനത്തിന്‌ ചുവടു പിടിച്ചാണ്‌ പ്രഖ്യാപനം. നേരത്തെ മധ്യപ്രദേശില്‍ അധികാരമേറ്റെടുത്തശേഷം കോണ്‍ഗ്രസ്‌ മുഖ്യമന്ത്രിയായ കമല്‍നാഥ്‌ രണ്ട്‌ ലക്ഷം രൂപ വരെയുള്ള കാര്‍ഷിക കടങ്ങള്‍ എഴിതിത്തള്ളുമെന്ന്‌ പ്രഖ്യാപിച്ചിരുന്നു.
അതിന്‌ പിന്നാലെയാണ്‌ ചത്തീസ്‌ഗഢില്‍ നിന്നുളള
പ്രഖ്യാപനം വരുന്നത്‌. രാഹുല്‍ ഗാന്ധി നല്‍കിയ വാഗ്‌ദാനമനുസരിച്ച്‌ അടുത്ത
പ്രഖ്യാപനം രാജസ്ഥാനില്‍ നിന്നുണ്ടാകുമെന്ന പ്രതീക്ഷയിലാണ്‌ അവിടുത്തെ കര്‍ഷകര്‍.
കൂടാതെ പ്രതിസന്ധി നേരിടുന്ന ചോളം കര്‍ഷകര്‍ക്ക്‌ തുണയായി താങ്ങുവില ക്വിന്റലിന്‌
1700 രൂപയില്‍ നിന്ന്‌ 2500 ആയി ചത്തീസ്‌ഗഢില്‍ ഉയര്‍ത്തുകയും ചെയ്‌തിട്ടുണ്ട്‌.
കാര്‍ഷിക മേഖല ഏറ്റവും കൂടുതല്‍ പ്രതിസന്ധി നേരിടുന്ന ഘട്ടത്തില്‍ കഴിഞ്ഞ സംസ്ഥാന
തിരഞ്ഞെടുപ്പുകളില്‍ കോണ്‍ഗ്രസിന്‌ തുണയായത്‌ കര്‍ഷകരാണ്‌
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala