ന്യൂയോര്‍ക് : ക്വീന്‍സിലുള്ള കേരള  കള്‍ച്ചറല്‍ അസോസിയേഷന്‍ ഓഫ് നോര്‍ത്ത് അമേരിക്ക , അവരുടെ  ഇത്തവണത്തെ ഫാമിലി നൈറ്റും  ഹോളിഡേ പാര്‍ട്ടിയും കഴിഞ്ഞ വെള്ളിയാഴ്ച ഹിക്സ്വില്ലിലുള്ള ആന്റന്‍സ് റെസ്റ്റാറന്റില്‍ വെച്ച് ഗഭീരമായി ആഘോഷിച്ചു .  കലാപരിപാടികളുടെ നിലവാരവും  കൊണ്ടും   , ചടങ്ങില്‍ പങ്കെടുത്ത വിശിഷ്ട വ്യക്തികളുടെ സാന്നിധ്യം കൊണ്ടും ഫാമിലി നൈറ്റ് ഏറെ മിവകവുറ്റതാക്കാന്‍ സംഘാടകര്‍ക്ക് കഴിഞ്ഞു . ചടങ്ങില്‍ ന്യൂയോര്‍ക്‌സെനറ്റര്‍ കെവിന്‍ തോമസ് മുഖ്യ അഥിതി ആയിരുന്നു . കേരളത്തിന്റെ തനതു വാദ്യ കല പ്രോത്സാഹിപ്പിക്കുന്നതിനായി അസോസിയേഷന്‍ രൂപം കൊടുത്ത  'കെ. സി. എ. എന്‍. എ.  ചെണ്ടമേള ഗ്രൂപ്പ് '  ആണ്  ടീം ക്യാപ്റ്റന്‍ ശ്രീ അപ്പുക്കുട്ടന്‍ പിള്ളയുടെ നേതൃത്വത്തില്‍ കെവിന്‍ തോമസിന് വന്പിച്ച  വരവേല്‍പ് ഏകിയത് .  കെ സി എ എന്‍ എ യുടെ പ്രവര്‍ത്തനങ്ങള്‍ വിവരിച്ച മനോഹരമായ ഒരു  ഹൃസ്വ ചിത്രത്തോടെ ഔപചാരിക ചടങ്ങുകള്‍ ആരംഭിച്ചു . കുമാരി റിയ അലക്‌സാണ്ടര്‍ അമേരിക്കന്‍ നാഷണല്‍ ആന്തവും , കുമാരി ഇസബെല്‍ അന്ന അജിത് ഇന്ത്യന്‍ നാഷണല്‍ അന്തവും ആലപിച്ചു . കെ. സി. എ. എന്‍. എ. പ്രസിഡന്റ് ശ്രീ അജിത് കൊച്ചു കുടിയില്‍ സ്വാഗത പ്രസംഗം നടത്തി .തുടര്‍ന്ന്    ന്യൂയോര്‍ക്  സെനറ്റിലേക്കു മത്സരിച്ചു ജയിച്ച  പ്രഥമ മലയാളിയായ  ഡിസ്ട്രിക്  സിക്‌സ് സെനറ്റര്‍ ശ്രീ കെവിന്‍ തോമസ്  ഏവരെയും അഭിസംബോധന ചെയ്തു സംസാരിച്ചു .      

മലയാളിയുടെ  പുതു തലമുറ അമേരിക്കന്‍ മുഖ്യധാര രാഷ്ട്രീയത്തിലേക്ക് കടന്നു വരേണ്ട ആവശ്യകതയെ കുറിച്ചു അദ്ദേഹം സദസ്സിനെ ഉത്ബോധിപ്പിച്ചു .ഫൊക്കാന വൈസ് പ്രസിഡന്റ് ശ്രീകുമാര്‍ ഉണ്ണിത്താന്‍ , ഫോമാ ജനറല്‍ സെക്രട്ടറി ജോസ് എബ്രഹാം എന്നിവര്‍ ആശംസകള്‍ നേര്‍ന്നു .റെവ.ഫ്രാന്‍സിസ് നമ്പ്യാരുപറന്പില്‍ ക്രിസ്തുമസ് സന്ദര്‍ശവും, റീന വര്‍ഗീസ് പുതു വര്‍ഷ സന്ദേശവും നല്‍കി . അമിതി , വേദ ശബരിനാഥ് , സോളോമന്‍ സെന്‍ , സാറ സെന്‍  എന്നീ കുട്ടികളുടെ  ഗാനങ്ങള്‍  സദസ്സിനെ ഹഠാദകര്‍ഷിച്ചു .ലൈസി അലക്‌സ്ഉം സംഘവും അവതരിപ്പിച്ച ബോളിവുഡ് ഡാന്‍സും , ഇസബെല്‍ അന്ന അജിത്തും സംഘവും അവതരിപ്പിച്ച കോണ്‍ടെംപോററി ഡാന്‍സും പരിപാടിയെ വേറിട്ട തലങ്ങളിലേക്ക് ഉയര്‍ത്തി .  ഉത്സവ രാവിനെ സംബന്നമാക്കി  ശബരിനാഥ് , മേരിക്കുട്ടി മൈക്കിള്‍ , റിയ അലക്‌സാണ്ടര്‍ , ജിജോയ് , രാംദാസ് പിള്ള എന്നിവരുടെ ഗങ്ങള്‍ക്കൊപ്പം ലാല്‍ അങ്കമാലി യുടെ മിമിക്‌സ് കോമഡിയും , കൂടി ആയപ്പോള്‍ സദസ്സ് ഡാന്‍സ് ഫ്‌ലോറിലേക്ക്  ചുവടു വെച്ച് നീങ്ങി . 

പ്രശസ്ത ഗായകനും , ഫൊക്കാന R V P യും ആയ ശബരിനാഥ്  നായര്‍ ആയിരുന്നു പ്രോഗ്രാം കോ ഓര്‍ഡിനേറ്റര്‍ . മേരിക്കുട്ടി മൈക്കിള്‍ കോ എം സി ആയി പ്രവര്‍ത്തിച്ചു .

കുട്ടികള്‍ക്കായുള്ള ഫേസ് പെയിന്റിംഗ് , മാജിക് ഷോ എന്നിവ ആബാലവൃദ്ധം ജനങ്ങളെയും ആകര്‍ഷിച്ചു .

രാവിനെ ചടുലമാക്കി റിയയുടെ ഡി ജെ അരങ്ങു കൊഴുപ്പിച്ചു . ഷീബ റിനോജ് റാഫിള്‍ സമ്മാനങ്ങള്‍ സദസ്സിനു നല്‍കി . കെ .സി .എ .എന്‍ എ .ട്രഷറര്‍ ശ്രീ റിനോജ് ജോര്‍ജി കോരുത് പരിപാടിയില്‍ പങ്കെടുത്തു വന്‍ വിജയമാക്കിയ എല്ലാവര്‍ക്കും നന്ദി അറിയിച്ചു .