കലിയുഗവരദായകനായ സ്വാമിഅയ്യപ്പന്റെ അവതാരകഥ
പ്രേക്ഷകരിലേക്ക് എത്തിക്കുന്ന പരമ്പര ശബരിമല സ്വാമി അയ്യപ്പന്
ഏഷ്യാനെറ്റില് സംപ്രേഷണംചെയ്യുന്നു.
ഗ്രാഫിക്സിന്റെയും അനിമേഷന്റെയും നൂതനസാദ്ധ്യതകള് ഉപയോഗപ്പെടുത്തി
വിസ്മയിപ്പിക്കുന്ന രീതിയിലാണ് കാലികപ്രസക്തിയുള്ള ഈ പരമ്പര
പ്രേക്ഷകര്ക്ക് മുന്നില് എത്തുന്നത്.
അയ്യപ്പന്റെ ജനനവും പന്തളം കൊട്ടാരത്തിലെ ജീവിതവും അവതാരഉദ്ദേശമായ
മഹിഷിവധവും ശബരിമലക്ഷേത്രത്തിന്റെ ഉത്പത്തിയും ,സ്വാമി അയ്യപ്പനുമായി
ബന്ധപ്പെട്ട ഐതിഹ്യത്തിലെ മറ്റ് കഥകളും ഉപകഥകളും ഉള്പ്പെടുത്തി ഇന്ന്
ഈപരമ്പരയുടെ പ്രാധാന്യവും വ്യക്തമാക്കുന്ന തരത്തിലാണ്
ചിത്രീകരിച്ചിട്ടുള്ളത് .
മെരിലാന്ഡ് ശ്രീശരണ് ക്രീയേഷന്സിന്റെ ബാനറില് മുരുകന് സുബ്രമണ്യന്
നിര്മ്മിച്ച് കണ്ണന് താമരക്കുളം സംവിധാനം ചെയ്യുന്ന ഈപരമ്പരയില് കൗശിക്
ബാബു , ഷംന കാസിം , ഷിജു , ലത റാവു , അര്ച്ചന സുശീലന് , അനു ജോസഫ് ,
അഖിലേഷ് തുടങ്ങിയവര് പ്രധാനകഥാപാത്രങ്ങളായി എത്തുന്നു
" ശബരിമല സ്വാമി അയ്യപ്പന് " ഏഷ്യാനെറ്റില് ജനുവരി 14 മുതല് ,തിങ്കള് മുതല് ശനി വരെ രാത്രി 9 മണിക്ക് സംപ്രേഷണം ചെയ്യുന്നു.