യു പി വിഷമദ്യ ദുരന്തം: മരിച്ചവരുടെ എണ്ണം 90 ആയി
Published on 10 February, 2019
ന്യൂഡല്‍ഹി: വിഷമദ്യ ദുരന്തത്തില്‍ യു പിയിലും ഉത്തരാഖണ്ഡിലുമായി മരിച്ചവരുടെ എണ്ണം 90 ആയി. യു പിയിലെ ഷഹരന്‍പൂരില്‍ 36, മീറ്ററ്റില്‍ 18, കുശിനഗറില്‍ 10 എന്നിങ്ങനെയാണ്‌ മരിച്ചത്‌.
അയല്‍ സംസ്ഥാനമായ ഉത്തരാഖണ്ഡില്‍ ഹരിദ്വാറിലും റൂര്‍ക്കി മേഖലയിലുമായി 26 പേരും മരിച്ചു. നിരവധി പേര്‍ ഇപ്പോഴും ഗുരുതരാവസ്ഥയില്‍ ആശുപത്രിയിലാണ്‌.
വ്യാജ മദ്യ വില്‍പനയുമായി ബന്ധപ്പെട്ട 30 പേരെ ഷഹരന്‍പൂരില്‍ നിന്നു മാത്രമായി പോലീസ്‌ അറസ്റ്റു ചെയ്‌തു. ഇവിടെ മൂന്ന്‌ പോലീസ്‌ ഇന്‍സ്‌പെക്ടര്‍മാരെയും രണ്ടു കോണ്‍സ്റ്റബിള്‍മാരെയും സീനിയര്‍ പോലീസ്‌ സൂപ്രണ്ട്‌ ദിനേഷ്‌ കുമാര്‍ സസ്‌പെന്‍ഡ്‌ ചെയ്‌തു.
കുശിനഗറില്‍ എസ്‌ എച്ച ഒ. തര്യാസുജനെയും എക്‌സൈസ്‌ ഇന്‍സ്‌പെക്ടറെയും ജില്ലാ ഭരണകൂടം സസ്‌പെന്‍ഡ്‌ ചെയ്‌തിട്ടുണ്ട്‌.
ദുരന്തത്തില്‍ മരിച്ചവരുടെ കുടുംബത്തിന്‌ രണ്ടു ലക്ഷം വീതവും ചികിത്സയില്‍ കഴിയുന്നവര്‍ക്ക്‌ 50,000ഉം രൂപ യു പി മുഖ്യമന്ത്രി യോഗി ആദിത്യനാഥ്‌ പ്രഖ്യാപിച്ചിട്ടുണ്ട്‌.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala