Image

പിടിവിടാതെ തമിള്‍റോക്കേഴ്‌സ്; ഒരു അഡാര്‍ ലവ് ഓണ്‍ലൈനില്‍

Published on 16 February, 2019
പിടിവിടാതെ തമിള്‍റോക്കേഴ്‌സ്; ഒരു അഡാര്‍ ലവ് ഓണ്‍ലൈനില്‍

ഒമര്‍ ലുലു സംവിധാനം ചെയ്ത ഒരു അഡാര്‍ ലവ് ഓണ്‍ലൈനില്‍ ചോര്‍ന്നു. സിനിമാമേഖലയ്ക്ക് കടുത്ത ഭീഷണിയായി ഉയര്‍ന്നു വന്നിരിക്കുന്ന തമിള്‍റോക്കേഴ്‌സ് ആണ് കഴിഞ്ഞ ദിവസം പുറത്തിറങ്ങിയ ചിത്രം ഓണ്‍ലൈനില്‍ പ്രചരിപ്പിച്ചിരിക്കുന്നത്. മലയാളത്തില്‍ മാത്രമല്ല അന്യഭാഷകളിലും ഒരു അഡാര്‍ ലവ് പ്രദര്‍ശനത്തിന് എത്തിയിരുന്നു. കൗമരക്കാരുടെ കഥ പറയുന്ന ചിത്രം സമ്മിശ്ര പ്രതികരണങ്ങള്‍ നേടുന്നതിനിടെയാണ് ചോര്‍ന്നത്.

നിരവധി പേര്‍ സിനിമ ഡൌണ്‍‌ലോഡ് ചെയ്‌തതായാണ് വിവരം. വ്യാജന്‍ പുറത്തിറങ്ങിയതോടെ സിനിമയുടെ അണിയറ പ്രവര്‍ത്തകര്‍ അധികൃതരുമായി ബന്ധപ്പെട്ടുവെന്ന റിപ്പോര്‍ട്ടും ലഭിക്കുന്നുണ്ട്.മലയാളത്തിന് പുറമെ അന്യഭാഷകളിലും പ്രിയ വാര്യര്‍ക്ക് പുറമെ റോഷന്‍, നൂറിന്‍ ഷെരീഫ് തുടങ്ങിയവര്‍ പ്രധാന വേഷത്തിലെത്തുന്ന ഒരു അഡാര്‍ ലവ് പ്രദര്‍ശനത്തിന് എത്തിയിരുന്നു. അതേസമയം, സിനിമ തിയേറ്ററില്‍ വന്‍ വിജയമായി കൊണ്ടിരിക്കുകയാണ്.

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക