തിരുവനന്തപുരം : സൂര്യാഘാത സാധ്യത കണക്കിലെടുത്ത്‌ തൊഴിലാളികള്‍ക്ക്‌ വിശ്രമം അനുവദിച്ച ഉച്ചനേരത്തും പണിയെടുപ്പിച്ച രണ്ട്‌ കെട്ടിട നിര്‍മ്മാണ സൈറ്റുകളില്‍ ജോലി നിര്‍ത്തിവെയ്‌ക്കാന്‍ നിര്‍ദേശം നല്‍കി. നഗരത്തില്‍ തൊഴില്‍ വകുപ്പ്‌ നടത്തിയ പരിശോധനയില്‍ തൊഴിലാളികളെ കൊണ്ട്‌ അനധികൃതമായി ജോലി ചെയ്യിക്കുന്നതായി കണ്ടെത്തുകയായിരുന്നു.

സൂര്യാഘാത സാധ്യത കണക്കിലെടുത്ത്‌ പകല്‍ 12 മുതല്‍ 3വരെ ജോലി ചെയ്യിപ്പിക്കുന്നത്‌ തൊഴില്‍ വകുപ്പ്‌ നിരോധിച്ചിരുന്നു. ഇത്‌ ലംഘിച്ച രണ്ടു സൈറ്റുകളിലെ ജോലി നിര്‍ത്തിവയ്‌ക്കാന്‍ നിര്‍ദേശം നല്‍കിയത്‌.