കാലം തെറ്റി വടക്കെ ഇന്ത്യയില്‍ പെയ്‌ത കൊടും പേമാരിയില്‍ 22 പേര്‍ മരിച്ചു. പേമാരി കൂടുതല്‍ പേരുടെ ജീവനെടുത്തത്‌ മധ്യപ്രദേശിലാണ്‌. 16 പേര്‍ ചൊവ്വാഴ്‌ച പെയ്‌ത അപ്രതീക്ഷിത മഴയില്‍ ഇവിടെ മരിച്ചു. രാജസ്ഥാനില്‍ ആറ്‌ മരണവും റിപ്പോര്‍ട്ട്‌ ചെയ്‌തിട്ടുണ്ട്‌.


പലേടത്തും ശക്തമായ മിന്നലിന്റെ അകമ്പടിയുമുണ്ടായിരുന്നു. കേരളമടക്കമുള്ള ദക്ഷിണേന്ത്യന്‍ സംസ്ഥാനങ്ങള്‍ കടുത്ത ചൂടില്‍ പൊള്ളിയുരുകുമ്പോഴാണ്‌ ഉത്തരേന്ത്യയിലും ഗള്‍ഫ്‌ മേഖലയിലും മഴ തുടര്‍ച്ചയായി ഉണ്ടാകുന്നത്‌.