ന്യൂഡല്‍ഹി: ലോക്‌സഭാ തിരഞ്ഞെടുപ്പില്‍ പ്രധാനമന്ത്രി നരേന്ദ്രമോദി മത്സരിക്കുന്ന വാരാണസിയില്‍ മുന്‍ സൈനികന്‍ തേജ്‌ ബഹാദൂറിന്‍റെ പത്രിക തിരഞ്ഞെടുപ്പ്‌ കമ്മീഷന്‍ തള്ളിയതിനെതിരെ സമര്‍പ്പിക്കപ്പെട്ട ഹര്‍ജി സുപ്രീംകോടതി തള്ളി. പരാതിയില്‍ യാതൊരു അടിസ്ഥാനവും കാണുന്നില്ല എന്നാണ്‌ പരാതി പരിഗണിച്ച ബെഞ്ച്‌ ചൂണ്ടിക്കാട്ടിയത്‌.

അടിസ്ഥാനമില്ലാത്ത കാരണം ചൂണ്ടിക്കാട്ടി റിട്ടേണിംഗ്‌ ഓഫീസര്‍ പത്രിക തള്ളിയെന്നായിരുന്നു പരാതി. മുതിര്‍ന്ന അഭിഭാഷകനായ പ്രശാന്ത്‌ ഭൂഷനാണ്‌ തേജ്‌ ബഹാദൂറിനുവേണ്ടി സുപ്രീംകോടതിയില്‍ ഹാജരായത്‌. സമാജ്‌ വാദി പാര്‍ട്ടിയായിരുന്നു തേജ്‌ ബഹാദൂറിന്‌ ടിക്കറ്റ്‌ നല്‍കിയത്‌.


വാരണസിയില്‍ നരേന്ദ്ര മോദിക്കെതിരെ മത്സരിക്കുമെന്ന്‌ തേജ്‌ ബഹാദൂര്‍ നേരെത്തെ വ്യക്തമാക്കിയിരുന്നു