എട്ടുവയസുകാരി മലയാളി പെണ്കുട്ടി ഒമാനില് നീന്തല്കുളത്തില് മുങ്ങിമരിച്ചു
Published on 16 May, 2012
മുസന്ന (ഒമാന്): സ്കൂള് അവധിക്കാലത്ത് പിതാവിനെ സന്ദര്ശിക്കാന് ഒമാനിലെത്തിയ
എട്ടുവയസുകാരി നീന്തല്കുളത്തില് മുങ്ങിമരിച്ചു.
പത്തനംതിട്ട കോന്നി
എനിമുള്ളപ്ളാക്കല് സന്തോഷിന്െറയും ഭാര്യ മിനിയുടെയും മകള് അക്ഷയയാണ് (എട്ട്)
മരിച്ചത്. മുസന്നക്ക് സമീപം മുലദയില് സന്തോഷ് ചുമതലക്കാരനായ തോട്ടത്തിലെ
സ്വിമ്മിങ്പൂളില് ചൊവ്വാഴ്ച വൈകുന്നേരം മൂന്നോടെയാണ് അപകടം.
മാതാപിതാക്കള്ക്കൊപ്പം കുളിക്കാനിറങ്ങിയതായിരുന്നു അക്ഷയ.
എന്തിനോ
വീടിനകത്ത് പോയി രക്ഷിതാക്കള് തിരിച്ചുവരുമ്പോള് വെള്ളത്തില് മുങ്ങിതാഴുന്ന
മകളെയാണ് കണ്ടതത്രെ. ഉടന് വെള്ളത്തില് നിന്ന് പുറത്തെടുത്ത് മുലദ
ആശുപത്രിയിലേക്ക് കൊണ്ടുപോയെങ്കിലും രക്ഷിക്കാനായില്ല. 15 ദിവസം മുമ്പാണ് ഭാര്യ
മിനിയും മകള് അക്ഷയയും സന്ദര്ശകവിസയില് സന്തോഷിനെ കാണാനെത്തിയത്. ദമ്പതികളുടെ
ഏക മകളാണ് അക്ഷയ. മൃതദേഹം മുലദ ആശുപത്രിയില് സൂക്ഷിച്ചിരിക്കുന്നു.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല