സാധാരണഗതിയില് ഒരു ഹൈകോടതി ജഡ്ജിയുടെ രാജി സംബന്ധിച്ച് നിയമമന്ത്രാലയം വിജ്ഞാപനം പുറപ്പെടുവിപ്പിക്കാറില്ല. സെന്നിന്റെ രാജി സ്വീകരിച്ചെന്ന വിജ്ഞാപനം ലോക്സഭയിലെ നടപടികള് നിര്ത്തിവെക്കുന്നതിന്റെ മുന്നോടിയായിരുന്നെന്നാണ് വിദഗ്ധര് പറയുന്നത്.
കഴിഞ്ഞ ദിവസം രാജ്യസഭയില് കുറ്റവിചാരണക്ക് വിധേയനായ സൗമിത്ര സെന്നിനെതിരെ ലോക്സഭ തിങ്കളാഴ്ച കുറ്റവിചാരണ തുടങ്ങാനിരിക്കുകയായിരുന്നു. സെന് സ്വന്തം കൈപ്പടയിലെഴുതിയ രാജിക്കത്ത് അഭിഭാഷകന് മുഖേന നേരിട്ട് രാഷ്ട്രപതിയുടെ സെക്രട്ടറിയായ ക്രിസ്റ്റി ഫെര്ണാണ്ടസിന് ശനിയാഴ്ച രാവിലെ കൈമാറിയിരുന്നെങ്കിലും തുടര്നടപടികള് പൂര്ത്തിയാക്കാത്തതിനാല് ലോക്സഭയിലെ കുറ്റവിചാരണ സംബന്ധിച്ച് അനിശ്ചിതത്വം തുടരുകയായിരുന്നു.