തിരുവനന്തപുരം: നഗര വികസനത്തിന്‍െറ ഭാഗമായി ആരംഭിക്കുന്ന ഭവന നിര്‍മാണ പദ്ധതികളില്‍ സാമ്പത്തികമായി പിന്നോക്കം നില്‍ക്കുന്ന കുടുംബങ്ങള്‍ക്ക്‌ നീക്കിവെക്കാന്‍ നിയമം നിര്‍മിക്കുമെന്ന്‌ വ്യവസായ മന്ത്രി പി.കെ. കുഞ്ഞാലിക്കുട്ടി വാര്‍ത്താസമ്മേളനത്തില്‍ പറഞ്ഞു. 20മുതല്‍ 25 ശതമാനം വരെ ഇളവാണ്‌ ഇത്തരക്കാര്‍ക്ക്‌ ലഭിക്കുക. സ്വകാര്യ സംരംഭങ്ങള്‍ക്കും ഈ വ്യവസ്ഥ ബാധകമാവും. നിയമത്തിന്‍െറ കരട്‌ തയാറാക്കാന്‍ ചീഫ്‌ ടൗണ്‍ പ്‌ളാനറെ ചുമതലപ്പെടുത്തിയതായി അദ്ദേഹം അറിയിച്ചു.

സാമ്പത്തികമായി ബുദ്ധിമുട്ട്‌ അനുഭവിക്കുന്ന നഗര സഭകള്‍ക്ക്‌ ധനസഹായം നല്‍കുമെന്നും, കോര്‍പറേഷന്‍ അടക്കം എല്ലാ മുനിസിപ്പാലിററികളുടേയും മാസ്റ്റര്‍ പ്‌ളാന്‍ ഡിസംബറിനകം തയ്യാറാക്കും. അദ്ദേഹം പറഞ്ഞു.