കേരളത്തിലെ രാഷ്ട്രീയരംഗത്തെ മാറ്റിമറിക്കാന് കഴിയുന്ന സംഭവങ്ങള് പുറത്തുവരാന് പോകുന്നേ ഉള്ളൂയെന്ന ചീഫ് വിപ്പ് പിസി. ജോര്ജ്. ഇപ്പോള് കുടുങ്ങിയത് പരല് മീന് മാത്രമാണെന്നും വലിയ കരിമീനുകള് ഇതിന്റെ പിന്നിലുണ്ട്. കുടുങ്ങാന് പോകുന്നെയുള്ളൂ എന്നും ജോര്ജ് ഏഷ്യാനെറ്റ് ന്യൂസിനും നല്കിയ അഭിമുഖത്തില് വ്യക്തമാക്കി. ഒരുമാസം കഴിഞ്ഞിട്ടും വമ്പന്മാര് കുടുങ്ങിയിട്ടില്ലെങ്കില് താന് തെളിവുകള് പുറത്തുവിടുമെന്നും പി.സി. ജോര്ജ് പറഞ്ഞു.
മുഖ്യമന്ത്രിയുടെ ഓഫീസാണോ ഗണേഷ്കുമാറാണോ ഇപ്പൊഴത്തെ പ്രശ്നങ്ങള്ക്ക് ഉത്തരവാദിയെന്ന ചോദ്യത്തിന് ഉത്തരം പറഞ്ഞുകൊണ്ടാണ് അഭിമുഖം ആരംഭിക്കുന്നത്. മുഖ്യമന്ത്രിയുടെ ഓഫീസിലെ എല്ലാവരും കുറ്റക്കാരല്ല. ഇതിന് എല്ലാറ്റിനും പുറകില് ഈ ഒരാളാണ്. മുന്മന്ത്രിയായ ഗണേഷ്കുമാര് . മുന്മന്ത്രി ഇതിനകത്തെ ചെറിയ പരലാണ്. അതിലും വലിയ കരിമീന് കിട്ടാനുണ്ട്. ആ കരിമീനുംകൂടെ കേരളത്തിലെ ജനങ്ങളുടെ മുന്നില് വരുമെന്നാണ് ഞാന് പ്രതീക്ഷിക്കുന്നതെന്നും ജോര്ജ് പറഞ്ഞു. ആവലിയ കരിമീന് യുഡിഎഫില് തന്നെയുള്ളതാണെന്നാണ് പുറത്തു പരക്കുന്നത് അത് ശരിയാണോ? എന്ന ചോദ്യത്തിന് അതിലേക്ക് ഇപ്പോള് കടക്കുന്നില്ലെന്നായിരുന്നു ജോര്ജിന്റെ അഭിപ്രായം.
വലിയ തട്ടിപ്പ് നടക്കാനിരിക്കുകയായിരുന്നു. അതിന് തടയിടാന് എനിക്കു കഴിഞ്ഞു. ഞാന് സമ്മതിക്കുന്നുമില്ല, നിഷേധിക്കുന്നുമില്ല. ഞാന് ഇതുവരെ പറഞ്ഞ ഏതെങ്കിലും കാര്യം തെറ്റാണെന്ന് ആര്ക്കെങ്കിലും തെളിയിക്കാന് കഴിഞ്ഞിട്ടുണ്ടോയെന്നും ജോര്ജ് ചോദിക്കുന്നു. ഇതെങ്ങനെ നേരത്തെ അറിയുന്നു എന്ന് ചോദ്യത്തിന് ഉത്തരം ഇങ്ങനെയായിരുന്നു. ഒരു വര്ഷം മുന്പെ ഇവരെപറ്റി അറിഞ്ഞിരുന്നു. അന്ന ലക്ഷ്മി എന്നായിരുന്നു അറിഞ്ഞത്. പക്ഷേ കഴിഞ്ഞമാസമാണ് അറിയുന്നത് ഇവര് സരിതയാണെന്ന്. തെളിവുകള് എല്ലാം പുറത്തുവിടും. ഗണേഷ്കുമാര് സരിതയെ വിവാഹം കഴിക്കാമെന്ന് പറഞ്ഞ് സന്തോഷിപ്പിച്ച് കാര്യം സാധിച്ചു. മന്ത്രിസ്ഥാനം പോകാതിരിക്കാന് ആരെയൊക്കെ സ്വാധീനിക്കണോ അവിടെയൊക്കെ ഗണേഷ് ഈ സ്ത്രീയെ ഉപയോഗിച്ചിട്ടുണ്ട്. നഷ്ടപ്പെട്ട മന്ത്രിസ്ഥാനം തിരികെ ലഭിക്കുന്നതിനുവേണ്ടിയും ഈ സ്ത്രീയെ ഉപയോഗിച്ചു. ഈ സ്ത്രീലമ്പടന്മാരാണ് മന്ത്രിസഭയ്ക്ക് അപമാനം. പതിനായിരം കോടിയുടെ തട്ടിപ്പാണ് നടത്താനിരുന്നത്. പത്തനംതിട്ടജില്ലയില് മൊത്തം ഇത് സ്ഥാപിക്കാനിരിക്കുകയായിരുന്നു.