ദേവയാനി കോബ്രഗെഡെയെ അറസ്റ്റു ചെയ്ത രീതി ശരിയായില്ലന്നെ് അമേരിക്കന്‍ അംബാസഡര്‍
വാഷിങ്ടണ്‍ :ഇന്ത്യന്‍ നയതന്ത്ര ഉദ്യോഗസ്ഥ ദേവയാനി കോബ്രഗെഡെയെ അറസ്റ്റു ചെയ്ത രീതി ശരിയായില്ലന്നെ് അമേരിക്കന്‍ അംബാസഡര്‍ നാന്‍സി ജെ. പവല്‍. ഇന്ത്യക്കുള്ള പുതുവത്സര സന്ദശത്തേിലാണ് പവല്‍ 'ഖേദം' പ്രകടിപ്പിച്ചത്. താനും സ്റ്റേറ്റ് സെക്രട്ടറി ജോണ്‍ കെറിയും ഇക്കാര്യത്തില്‍ ഖേദം അറിയിക്കുന്നുവെന്നാണ് സന്ദശത്തേിലുള്ളത്.
ഇന്ത്യയുടെ കടുത്ത പ്രതികരണങ്ങള്‍ ഇരു രാജ്യങ്ങളും തമ്മിലുള്ള ബന്ധത്തെ പ്രതികൂലമായി ബാധിച്ചിട്ടുണ്ടെന്നും അംബാസഡര്‍ പറഞ്ഞു.
ഇരുരാജ്യങ്ങളും തമ്മിലുള്ള ബന്ധം കൂടുതല്‍ മികവുറ്റതാക്കാന്‍ കഴിയുമെന്നും നാന്‍സി പവല്‍ കത്തിലൂടെ അറിയിച്ചു.
അതസമയം, ദേവയാനി കോബ്രഗെഡെക്കെതിരായ കേസ് പിന്‍വലിക്കാനാവില്ലന്നെ് യു.എസ് വ്യക്തമാക്കി. ദേവയാനിക്കെതിരായ നിയമനടപടികളില്‍ ഖേദം പ്രകടിപ്പിക്കേണ്ട കാര്യമില്ളെന്നും പ്രോസിക്യൂഷന്‍ നടപടികള്‍ തുടരുമെന്നും യു.എസ് കേന്ദ്രങ്ങള്‍ അറിയിച്ചു.
ദേവയാനിക്കെതിരായ വിസാ തട്ടിപ്പ് കേസില്‍ കുറ്റപത്രം സമര്‍പ്പിക്കേണ്ട അവസാന തീയതി ജനുവരി 13 ആണ്. എന്നാല്‍ ദേവയാനിക്ക് യു.എന്‍ പരിരക്ഷ ലഭിക്കാവുന്ന യു.എന്നിലെ തസ്തികയിലേക്കു മാറ്റിയിട്ടുണ്ടെങ്കിലും പരിരക്ഷ ലഭിക്കുമോ എന്ന കാര്യം വ്യക്തമാക്കിയിട്ടില്ല.
തല്‍ക്കാലം നിയമനടപടികള്‍ നിര്‍ത്തിവെക്കേണ്ടി വന്നാലും ദേവയാനി ഇന്ത്യയിലേക്ക് പോയി തിരികെയത്തെിയാല്‍ അറസ്റ്റുചെയ്യന്‍ നിയമം അനുവദിക്കുന്നുണ്ടെന്ന് യു.എസ് അധികൃതര്‍ പറഞ്ഞു.
ദേവയാനിക്കെതിരായ നിയമനടപടികള്‍ പരിശോധിക്കാന്‍ യു.എസ് ആഭ്യന്തര വകുപ്പിനു കീഴിലുള്ള വിവിധ സര്ക്കാര് ഏജന്‍സികളുടെ അവലോകന യോഗം കഴിഞ്ഞ ദിവസം നടന്നിരുന്നു.
വീട്ടുജോലിക്കാരി സംഗീത റിച്ചാര്‍ഡിന്‍െറ പരാതിയിലാണ് ഈ മാസം 12ന് ദേവയാനിയെ ന്യൂയോര്‍ക്കില്‍ അറസ്റ്റ് ചെയ്തത്. മതിയായ വേതനം നല്‍കിയില്ളെന്നും വിസ രേഖകളില്‍ തെറ്റായ വിവരങ്ങള്‍ ഉള്‍പ്പെടുത്തിയെന്നുമാണ് കേസ്.
അറസ്റ്റിലാകുമ്പോള്‍ ദേവയാനിക്ക് ഐക്യരാഷ്ട്ര സഭയിലെ ഇന്ത്യന്‍ സംഘത്തിന്‍െറ ഉപദേശക എന്ന നിലയില്‍ പൂര്‍ണ നയതന്ത്ര പരിരക്ഷയുണ്ടായിരുന്നെന്ന് വെളിപ്പെട്ടതും യു.എസിനെ സമ്മര്‍ദത്തിലാക്കിയിരുന്നു.
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala