ന്യൂയോര്ക്ക്: മുന് ഇന്ത്യന് നയതന്ത്രജ്ഞ ദേവയാനി കൊബ്രഗഡെയുടെ മേല് വിസാ ക്രമക്കേടിന്റെ പേരില് ചുമത്തിയ കേസ് തള്ളിക്കളഞ്ഞുകൊണ്ടുള്ള ന്യൂയോര്ക്ക് ഫെഡറല് കോടതിയുടെ തീരുമാനത്തെ ഫോമാ പൊളിറ്റിക്കല് ഫോറം സെക്രട്ടറി തോമസ് ടി ഉമ്മന് സ്വാഗതം ചെയ്തു. തുടക്കം മുതല് ഈ കേസില് താനെടുത്തിരുന്ന നിലപാടുകള് ശരിയാണെന്ന് കാണിക്കുന്നതാണ് ഇപ്പോഴുണ്ടായിരിക്കുന്ന വിധി.
രണ്ട് രാജ്യങ്ങള് തമ്മില് മാന്യമായി കൈകാര്യം ചെയ്യേണ്ടിയിരുന്ന വിഷയം, ചിലരുടെ സ്വയം ഉയര്ച്ചക്ക് ഉപയോഗിച്ചതാണ് ഈ കേസിനെ ഇത്രയും സങ്കീര്ണമാക്കിയത്. അമേരിക്ക ഡിപ്ലോമാസിയുടെ എല്ലാ അതിര്വരമ്പുകളും ലംഘിച്ച ഇത്തരം ഒരു കേസ് ചരിത്രത്തില് തന്നെയില്ല. ഏതായാലും ഇതോടെ ഇന്ത്യയും അമേരിക്കയും പരസ്പരം പഴിചാരുന്നത് നിര്ത്തി, രണ്ടു രാജ്യങ്ങളുടെയും പുരോഗതിക്കാവശ്യമായ കാര്യങ്ങളില് ശ്രദ്ധ കേന്ദ്രീകരിക്കണമെന്ന് അഭ്യര്തിക്കുകയും ചെയ്തു.