കൊച്ചി: ക്രിക്കറ്റ് വിഷയമാക്കി പുരി ജഗന്നാഥ് ഒരുക്കുന്ന തെലുങ്ക് സിനിമയില്
വിലക്ക് ഏര്പ്പെടുത്തിയ ക്രിക്കറ്റ് താരം ശ്രീശാന്ത് നായകനാകുന്നു. തെലുങ്ക്
സിനിമയില് തന്റെ അരങ്ങേറ്റം ഉടന് തന്നെ ഉണ്ടാകുമെന്ന വിവരം ശ്രീശാന്ത്
തന്നെയാണ് പുറത്ത് വിട്ടത്. ഒരു ദേശീയ മാധ്യമത്തിന് നല്കിയ അഭിമുഖത്തിലാണ്
ശ്രീ ഇതേക്കുറിച്ച് പറഞ്ഞത്. ഏതാനും ദിവസങ്ങള്ക്കകം പ്രൊജക്ടിന്റെ കൂടുതല്
വിവരങ്ങള് പുറത്തുവരും. ഐ പി എല് കോഴക്കേസില് വിലക്ക് കിട്ടിയതോടെ കളിയോ പോയി
എന്നാല് അഭിനയവും പാട്ടും റിയാലിറ്റി ഷോയും ആയി ഇമേജ് തിരിച്ചെടുക്കാം എന്ന
ചിന്തയിലാണ് എന്ന് തോന്നുന്നു താരം.
അന്പുളള അഴകാ എന്ന തമിഴ്
ചിത്രത്തിന് വേണ്ടി സംഗീത സംവിധായകനായും ശ്രീ പ്രവര്ത്തിക്കുന്നുണ്ട്. ആറ്
പാട്ടുകളാണ് സിനിമയില് ഉള്ളത്. ഈ പാട്ടുകള് ചിട്ടപ്പെടുത്തിക്കഴിഞ്ഞതായും
ശ്രീശാന്ത് പറഞ്ഞു. നേരത്തെ ഝലക് ദിഖ്ലാ ജാ പോലുള്ള റിയാലിറ്റി ഷോകളിലും ടി വി
പരിപാടികളിലും ശ്രീശാന്ത് പ്രത്യക്ഷപ്പെട്ടിരുന്നു. സ്കൂള് കാലം മുതല് താന്
സംഗീതം അഭ്യസിക്കുന്നുണ്ട് എന്നാണ് ശ്രീ പറയുന്നത്. പീന്നീട് ക്രിക്കറ്റില്
സജീവമായതോടെ സംഗീതം പാതിവഴിയില് ഉപേക്ഷിച്ചു. ഇപ്പോള് ക്രിക്കറ്റിന്റെ
തിരക്കില്ലാത്തതിനാല് ശ്രീശാന്ത് സംഗീതത്തിലേക്ക് വീണ്ടും ശ്രദ്ധ
കേന്ദ്രീകരിക്കുകയാണ്. കൊച്ചി ആസ്ഥാനമായി എസ് 36 എന്ന പേരില് സ്വന്തം ബാന്ഡും
ശ്രീക്കുണ്ട്.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല