ന്യൂയോര്ക്ക്: മുല്ലപ്പെരിയാര് പ്രശ്നത്തില് പ്രധാനമന്ത്രി മന്മോഹന്സിംഗ്
അടിയന്തിരമായി ഇടപെടണമെന്ന് ഫോമ ആവശ്യപ്പെട്ടു. മുല്ലപ്പെരിയാര് അണക്കെട്ടിന്റെ
ഭാവിയെ സംബന്ധിച്ച ആശങ്കകള്ക്ക് പരിഹാരം കാണാന് മുന്കൈ എടുക്കണമെന്ന്
കാണിച്ച് ഫോമ പ്രധാനമന്ത്രിക്കയച്ച നിവേദനത്തിലാണ് ഈ ആവശ്യം പ്രസിഡന്റ് ജോണ്
ഊരാളില് ഉന്നയിച്ചത്.
ഡാമിന്റെ തകര്ച്ച ഭീഷണിയില് ജീവിക്കുന്ന
കേരളത്തിലെ ലക്ഷക്കണക്കിന് ജനങ്ങളുടെ ജീവനും, സ്വത്തിനുമുള്ള സംരക്ഷണം, ജലനിരപ്പ്
അടിയന്തിരമായി കുറയ്ക്കുക, കേരള-തമിഴ്നാട് മുഖ്യമന്ത്രിമാരുടെ ചര്ച്ചയ്ക്ക്
മുന്കൈ എടുക്കുക എന്നീ ആവശ്യങ്ങളാണ് നിവേദനത്തില് ഫോമ
ആവശ്യപ്പെട്ടിട്ടുള്ളതെന്ന് ഫോമ ജനറല് സെക്രട്ടറി ബിനോയി തോമസ് അറിയിച്ചു.
മുല്ലപ്പെരിയാര് സമരം കൊടുമ്പിരിക്കൊണ്ടിരിക്കുന്ന ചപ്പാത്തിലെ
സത്യാഗ്രഹികള്ക്ക് പിന്തുണയും ഫോമ പ്രഖ്യാപിച്ചിട്ടുണ്ട്.