ഒഹായോ: സഭയുടെ പ്രവര്ത്തനങ്ങളില് സജീവ പങ്കാളിത്തത്തോടെ സമയവും, താലന്തുകളും
പങ്കുവെയ്ക്കുന്നവര്ക്കുവേണ്ടി സെന്റ് മേരീസ് സീറോ മലബാര് മിഷന്
ഏര്പ്പെടുത്തിയ കൊളംബസ് നസ്രാണി അവാര്ഡിന് കിരണ് എലുവങ്കല് അര്ഹനായി.
കോട്ടയം ജില്ലയിലെ ഉഴവൂരില് സ്റ്റീഫന് ജോസഫ്- മോളി സ്റ്റീഫന്
ദമ്പതികളുടെ മകനായി ജനിച്ച കിരണ് മാതാപിതാക്കളുടെ ജോലി സാഹചര്യങ്ങളാല് പ്രഥമിക
പഠനങ്ങള് പൂര്ത്തിയാക്കിയത് കുവൈറ്റിലായിരുന്നു. കംപ്യൂട്ടര് എന്ജിനീയറായ
കിരണ് കൊളംബസില് അമേരിക്കന് ഇലക്ട്രിക് പവ്വര് കമ്പനിയില് കണ്സള്ട്ടന്റായി
ജോലി ചെയ്യുന്നു. ഭാര്യ: ഐറിന്. മകന്: ലയാം.
സെന്റ് മേരീസ് മിഷന്
പി.ആര്.ഒ ആയ കിരണ് കൊളംബസില് വച്ചു നടത്തിയ പ്രത്യേക ചടങ്ങില് മിഷന്
ഡയറക്ടര് ഫാ. ജോ പാച്ചേരിയില് സി.എം.ഐ അവാര്ഡ് സമ്മാനിച്ചു. ട്രസ്റ്റി
ജില്സണ് ജോസ് അറിയിച്ചതാണിത്.