ന്യു യോര്ക്ക്: ഇന്നലെ (ജനുവരി 23) നടത്താനിരുന്ന പ്രവാസി ഭാരതീയ ദിവസ് സ്നോ മൂലം 30-നു ശനിയാഴ്ച 11:30 മുതല് 3:30 വരെ യോങ്കേഴ്സിലെ മുംബായ് സ്പൈസസില് വച്ചു നടത്തൂം.
കഴിഞ്ഞ കാലങ്ങളില് ഇന്ത്യന് സമൂഹവുമായി കോണ്സുലെറ്റിനു അടുത്ത ബന്ധം ഉണ്ടായിരുന്നില്ല, എന്നാല് മോദി സര്ക്കാര് വന്നതിനു ശേഷം ഇന്ത്യന് സമൂഹവുമായി ഏറ്റവും അടുത്ത ബന്ധം പുലര്ത്താന് പ്രത്യേക നിര്ദ്ദേശം കോണ്സുലെറ്റിനു നല്കിയിട്ടുണ്ട്-് ഓവര്സീസ് ഫ്രണ്ട്സ് ഓഫ് ബി ജെ പി ന്യൂ യോര്ക്ക് കണ് വീനര് ശ്രീ ശിവദാസന് നായര് പറഞ്ഞു.
അതിന്റെ ഫലമായി വെസ്റ്റ്ചെസ്റ്റര് കൗണ്ടി എക്സിക്യൂട്ടിവ് നടത്തിയ ദീപാവലി ആഘോഷത്തിനു കോണ്സല് ജനറല് ജ്നാനേശ്വര് മുലായ് പങ്കെടുത്തിരുന്നു. പരിപാടി വലിയ വിജയമായിരുന്നു.
അതിനു ശേഷം പ്രവാസി ദിവസം വെസ്റ്റ്ചെസ്റ്ററില് നടത്താന് കോണ്സുലേറ്റ് നേരിട്ട് അഭ്യര്ഥിക്കുകയായിരുന്നു. പ്രസ്തുത പരിപാടിയില് സമൂഹത്തിനു വേണ്ടി നല്ല കാര്യങ്ങള് ചെയ്യുന്ന ഇന്ത്യക്കാരെ ആദരിക്കുമെന്നുംശിവദാസന് നായര് അറിയിച്ചു. വിവിധ സാംസ്കാരിക പരിപാടികളും ചോദ്യോത്തര വേളയും ഉണ്ട്.
ന്യൂ യോര്ക്ക് നിവാസികളായ ഇന്ത്യന് പ്രവാസികള് ഇതൊരു ക്ഷണമായി സ്വീകരിച്ച് പരിപാടിയില് പങ്കെടുക്കണമെന്ന് ശിവദാസന് നായര് അഭ്യര്ത്ഥിക്കുന്നു.
ബന്ധപ്പെടുക: ശിവദാസന് നായര്-914-316-4076; തോമസ് കൂവല്ലൂര് 914-409-5772