കോഴഞ്ചേരി കേരളത്തിന്റെ മാതൃകയായി മാറണമെന്ന് ഡോ. ഫിലിപ്പോസ് മാര് ക്രിസോസ്റ്റം
മാര്ത്തോമാ മെത്രാപ്പോലീത്ത അഭിപ്രായപ്പെട്ടു. കോഞ്ചേരി സംഗമത്തിന്റെ പത്താം
വാര്ഷികാഘോഷങ്ങളില് അനുഗ്രഹ പ്രഭാഷണം നടത്തുകയായിരുന്നു അദ്ദേഹം. കോഴഞ്ചേരി സംഗമം
യു.എസ്.എ എന്ന പേരില് കോഴഞ്ചേരിയില് നിന്നും സമീപ സ്ഥലങ്ങളില് നിന്നും
അമേരിക്കയില് താമസിക്കുന്നവര് ചേര്ന്ന് ഒരു സംഘടന രൂപീകരിച്ചതില്
സന്തോഷമുണ്ട്. കാരണം ഞാന് കോഴഞ്ചേരിയിലാണ് ജനിച്ചത്. കുറച്ചുവര്ഷം അവിടെ
താമസിച്ചതിനുശേഷം തന്റെ പിതാവിനോടൊപ്പം മാരാമണ്ണിലേക്ക് പോയി. പക്ഷെ ഹൈസ്കൂള്
പഠനം കോഴഞ്ചേരിയിലായിരുന്നു. അങ്ങനെ കോഴഞ്ചേരിയുമായി അര്ത്ഥവത്തായ ബന്ധമുണ്ട്.
അതുകൊണ്ട് കോഴഞ്ചേരി സംഗമം യു.എസ്.എ എനിക്ക് വളരെ സന്തോഷവും താത്പര്യവുമുള്ള
പ്രസ്ഥാനമാണ്. കോഴഞ്ചേരി 80 വര്ഷം മുമ്പ് എന്തായിരുന്നു. ഒരു തുറമുഖത്തിന്
സമാനമായിരുന്നു. ആലപ്പുഴയില് നിന്ന് വെള്ളിയാഴ്ചയും, ചൊവ്വാഴ്ചയും
വന്നുകൊണ്ടിരുന്ന നൂറുകണക്കിന് കെട്ടുവള്ളങ്ങള് കച്ചവടത്തിന്റെ വലിയ
മുഖമായിരുന്നു എന്നെ കാട്ടിത്തന്നത്. കാലം മാറി. കോഴഞ്ചേരിയും മാറി.
ഇന്ന് അമേരിക്കയില് പോയി ആ പ്രദേശത്തിന്റെ സാമ്പത്തിക സമൃദ്ധിയും ജീവിത
സൗകര്യങ്ങളും അനുഭവിക്കുന്ന നിങ്ങളോട് എനിക്ക് അസൂയ ഇല്ല. നിങ്ങള് ഞങ്ങള്ക്ക്
എന്നും അഭിമാനവും സഹായകരവുമാണ്. കോഴഞ്ചേരിയിലും ചുറ്റുപാടുമുള്ള അനേകര്ക്ക്
പഠനത്തിനും, ചികിത്സയ്ക്കും വീട് വയ്ക്കുന്നതിനും സഹായം നല്കുന്നു
എന്നറിഞ്ഞതില് സന്തോഷമുണ്ട്.
കോഴഞ്ചേരിയിലും ചുറ്റുപാടുമുള്ള
എല്ലാവര്ക്കും വീടും, വിദ്യാഭ്യാസവും ഭക്ഷണവും ലഭിക്കുന്നതും, കോഴഞ്ചേരി
അനുഭവിച്ചുകൊണ്ടിരിക്കുന്ന കൃഷി മാന്ദ്യത്തില് നിന്നുമുള്ള വിടുതല് ലഭിക്കുന്നതും
ഇന്നത്തെ വലിയ ആവശ്യങ്ങളാണ്. കോഴഞ്ചേരി അസോസിയേഷന്റെ ഭാവി പ്രവര്ത്തനങ്ങള്
ഇതിനുവേണ്ടിയുള്ളതാകട്ടെ എന്ന് അദ്ദേഹം കൂട്ടിച്ചേര്ത്തു.
കോഴഞ്ചേരി
സംഗമം പ്രസിഡന്റ് ശശിധരന് നായര് അധ്യക്ഷതവഹിച്ചു. കോര്ഡിനേറ്റര് ചന്ഗ്രശേഖര
കുറുപ്പ് സ്വാഗതവും, സെക്രട്ടറി അലക്സ് നന്ദിയും പറഞ്ഞു.