14 ജില്ലകളില്‍ നിന്നായി 12,000ത്തിലധികം കലാപ്രതിഭകളാണ്‌ കലോത്സവത്തില്‍ പങ്കെടുക്കാനെത്തുന്നത്‌. പൊലീസ്‌ മൈതാനിയാണ്‌ പ്രധാന വേദി. നിള എന്നാണ്‌ വേദി അറിയപ്പെടുക. ആകെയുള്ള 20 വേദികള്‍ക്കും കേരളത്തിലെ പ്രധാന നദികളുടെ പേരുകളാണ്‌ സംഘാടക സമിതി നല്‍കിയിരിക്കുന്നത്‌. 5000 പേര്‍ക്ക്‌ ഇരിക്കാവുന്ന പ്രധാന വേദി പൊതു വിദ്യാഭ്യാസ ഡയറക്ടര്‍ നാട മുറിച്ച്‌ ഏറ്റെടുത്തു. പൂര്‍ണ്ണമായും പ്രകൃതി സൗഹൃദമായാണ്‌ വേദി ഒരുക്കിയിരിക്കുന്നത്‌.

മത്സരങ്ങള്‍ വിജിലന്‍സിന്റെ നേരിട്ടുള്ള നിരീക്ഷണത്തിലാണ്‌ നടക്കുന്നത്‌ എന്നപ്രത്യേകതയുമുണ്ട്‌ കണ്ണൂര്‍ മേളയ്‌ക്ക്‌. മൂന്നു വര്‍ഷത്തിലധികം വിധികര്‍ത്താക്കളായവരെയും ജില്ലാമത്സരങ്ങളില്‍ വിധി കര്‍ത്താക്കളായവരെയും ഒഴിവാക്കിയാണ്‌ ജഡ്‌ജിംഗ്‌ പാനലിനെ തെരഞ്ഞെടുത്തിരിക്കുന്നത്‌