എട്ടുവയസ്സുക്കാരന്റെ വെടിയേറ്റ് രണ്ടു കുട്ടികളില് ഒരാള് മരിച്ചു
പി.പി.ചെറിയാന്Published on 05 February, 2017
ഫ്ളോറിഡ: (ജാക്ക്സണ്വില്ല): വീട്ടില് കളിച്ചുകൊണ്ടിരുന്ന മൂന്നുകുട്ടികളില് എട്ടുവയസ്സുക്കാരന് ലഭിച്ച തോക്കില് നിന്നും അബദ്ധത്തില് വെടിപൊട്ടി അഞ്ചു വയസ്സുക്കാരിയായ സഹോദരി മരിക്കുകയും, 4 വയസ്സുള്ള സഹോദരന് നിസ്സാരമായി പരിക്കേല്ക്കുകയും ചെയ്തു. ലിങ്കണ് കോര്ട്ട് റൂഡ് വെല്ട്ട് ഗാര്ഡന്സ് അപ്പാര്ട്ട്മെന്റില് ഫെബ്രുവരി 4 ശനിയാഴ്ച ഉച്ചതിരിഞ്ഞായിരുന്നു സംഭവം.
കുട്ടികളുടെ മാതാവിന്റെ കാമുകന്റേതായിരുന്നു തോക്ക്. സംഭവം നടക്കുമ്പോള് വീട്ടില് കുട്ടികള് മാത്രമാണ് ഉണ്ടായിരുന്നത്.
സംഭവത്തെ തുടര്ന്ന് തോക്കിന്റെ ഉടമയായ കാമുകനെ പോലീസ് അറസ്റ്റു ചെയ്തു. കുട്ടികള്ക്ക് പെട്ടെന്ന് ലഭിക്കാവുന്ന സ്ഥാനത്താണ് തോക്ക് സൂക്ഷിച്ചിരുന്നതെന്ന് ജാക്ക്സണ്വില്ല ഷെരിഫ് ഓഫീസ് ചീഫ് ക്രിസ് ബട്ട്ലര് പറഞ്ഞു.
മാതാപിതാക്കളുടെ അശ്രദ്ധ മൂലം കുട്ടികള് തോക്കെടുത്തു കളിച്ചു അബന്ധത്തില് വെടിയേറ്റു മരിക്കുന്ന സംഭവങ്ങള് ഇതിനു മുമ്പും റിപ്പോര്ട്ട് ചെയ്യപ്പെട്ടിട്ടുണ്ട്.
കേസ്സിന്റെ അന്വേഷണം പുരോഗമിക്കുന്നതായി പോലീസ് ചീഫ് പറഞ്ഞു.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല