നിഷ്പക്ഷമായി ചിന്തിച്ചാല് യേശുക്രിസ്തു ഒരു മണ്ടനായിരുന്നു- അല്ലെങ്കില് പിന്നെ യെരുശലേം ദേവാലയത്തില് കടന്ന് ആ ആനമണ്ടത്തരം കാണിക്കുമായിരുന്നോ? അവിടെ വില്ക്കുന്നവരേയും വാങ്ങുന്നവരെയെല്ലാം ചാട്ടാവാറുകൊണ്ടു അടിച്ചു പുറത്താക്കിയിട്ട്,' എന്റെ ആലയം ദൈവാലയമാകുന്നു; നിങ്ങളോ അതിനെ കള്ളമാരുടെ ഗുഹയാക്കിത്തീര്ത്തിരിക്കുന്നു' എന്നുള്ള വിഡ്ഢിത്തരം വിളമ്പുമായിരുന്നോ?
പള്ളിയും അമ്പലവും മറ്റും നേരെ ചൊവ്വേ നടക്കണമെങ്കില് പത്തുപുത്തന് കൈയില് വേണം. ഇന്നുപള്ളികളോടനുബന്ധിച്ചെല്ലാം വ്യാപാര സമുച്ചയങ്ങളുമുണ്ട്. വരുമാനം വേണ്ടേ? ഇടവകയിലേക്ക് എഴുന്നെള്ളുന്ന പിതാക്കന്മാര്ക്ക് താലപ്പൊലിയോടും, ചെണ്ടമേളത്തോടും, പിന്നെ കതിനാവെടിയുടെ അകമ്പടിയോടും കൂടി രാജകീയ സ്വീകരണം കൊടുക്കേണ്ടേ? അതുകൂടാതെ കൈമുത്തും.
ഒരു ശവമടക്കിന് ഒരു ലക്ഷം രൂപയും, വിവാഹകൂദാശക്ക് അഞ്ചു ലക്ഷം രൂപയുമാണ് കേരളത്തിലെ ഒരു പ്രധാന ബിഷപ്പിന്റെ നിരക്ക്. അദ്ദേഹം വരുന്നകാറിന്റെ പേര് ഉച്ചരിക്കണമെങ്കില് വല്ല Harvard-ലോ Oxford-ലോ പഠിക്കണം. അഞ്ചുലക്ഷം രൂപയ്ക്കാണ് കാറിന്റെ ഫാന്സി നമ്പര് ലേലത്തില് വിളിച്ചത്. അരപ്പട്ടിണിക്കാരന് അന്പതു രൂപ കുടിശ്ശിഖ കൊടുക്കുവാനുണ്ടെങ്കില് അവന്റെ പേര് നോട്ടീസ് ബോര്ഡില് പതിപ്പിച്ച് അവന്റെ സന്തതി പരമ്പരകളെ വരെ നാറ്റിച്ചു കളയും.
ആകയാല് നിന്റെ വഴിപാട് യാഗപീഠത്തിങ്കല് കൊണ്ടു വരുമ്പോള്, സഹോദരനു നിന്റെ നേരെ വല്ലതും ഉണ്ടെന്ന് അവിടെവച്ചു ഓര്മ്മ വന്നാല് നിന്റെ വഴിപാട് അവിടെ യാഗപീഠത്തിന്റെ മുമ്പില് വച്ചേച്ചു, ഒന്നാമതു ചെന്നു സഹോദരനോടുനിരന്നു കൊള്ക-പിന്നെ വന്നുനിന്റെ വഴിപാടു കഴിക്ക-' ഇതൊക്കെ പ്രസംഗമദ്ധ്യേ പറയുവാന് എന്തെളുപ്പം? ഇന്നു പോലീസ് സംരക്ഷണമില്ലാതെ പല പുരോഹിതന്മാര്ക്കും കുര്ബാന അര്പ്പിക്കുവാന് പറ്റാത്ത വേദനാജനകമായ ഒരു അവസ്ഥ നിലവില് വന്നിട്ടുണ്ട്.
'ഭയത്തോടും, വിറയലോടും കൂടി നാം സൂക്ഷിക്കണമെന്നു' നാഴികക്കു നാല്പതു വട്ടം ഉരുവിടുന്ന പള്ളികളില്, കുര്ബാനാനന്തരം നടക്കുന്ന പൊതുയോഗങ്ങളില്, പുരോഹിതന്മാരും, ഭക്തന്മാരും തമ്മിലുള്ള തര്ക്കങ്ങള് 'എടാ, പോടാ' ലവലിലേക്കു വരെ ഉയര്ന്നിട്ടുണ്ട്. ദൈവത്തിനു സ്തുതി.
ഇന്ഡ്യയും അമേരിക്കയിലും ഒരു പോലെ ആരാധ്യനായ ഒരു പരിശുദ്ധ പിതാവ് നടത്തിയ 'റിയല് എസ്റ്റേറ്റ്' ഇടപാടിന്റെ ഞെട്ടിക്കുന്ന വിവരങ്ങളാണ് ഇപ്പോള് പുറത്തു വന്നുകൊണ്ടിരിക്കുന്നത്. ഇതിനെതിരെ പ്രതികരിച്ച പുരോഹിതന്മാരെ പുറത്താക്കുന്നതിന് ആദ്യം പിതാവ് ഒരു വിഫലശ്രമം നടത്തി.
അച്ഛന്മാരെല്ലാം കൂടി സഭയുടെ ലോകതലവന് ഒരു പരാതി അയയ്ക്കുവാന് തീരുമാനിച്ചിരിക്കുകയാണ്.
ശതകോടിക്കണക്കിനു വിലമതിക്കുന്ന ഭൂമി തുച്ഛമായ വിലയ്ക്ക് ഏതോ ഒരു സ്ഥാപനത്തിന്റെ പേരുപറഞ്ഞ് കൈമാറി. ഏതാണ്ട് നാല്പ്പതു കോടിരൂപയോളമാണ് സര്ക്കാരിന് നികുതിയിനത്തില് നഷ്ടമായത്.
ചുരുക്കിപ്പറഞ്ഞാല് ഇതുസഭയുടെ കിനോന് നിയമത്തില് ഒതുങ്ങുന്ന പ്രശ്നമല്ല. വലിയ പോലീസ് കേസിലേക്കു നയിക്കപ്പെടാവുന്ന ഒരു വലിയ ക്രിമിനല് കുറ്റം.
ഈ വന്ദ്യപിതാവ് മൂന്നാറില് ഇഷ്ടം പോലെ ഭൂമി ആരോടും ആലോചിക്കാതെ വാങ്ങിക്കൂട്ടിയിട്ടുണ്ട്. ഇത്രയും ആരോപണങ്ങളുണ്ടായിട്ടും അദ്ദേഹത്തിന്റെ ഭാഗത്തു നിന്നും യാതൊരുവിശദീകരണവുമുണ്ടായിട്ടില്ല. ബിഷപ്പിനെതിരെ ആരും ഒരു ആരോപണവും ഇതുവരെ ഉന്നയിച്ചിട്ടില്ല. ശാപം കിട്ടിയാല് അതു ഏഴുതലമുറ വരെ നിലനില്ക്കുമെന്നാണുവിശ്വാസം.
ഏതായാലും അദ്ദേഹത്തിന് ഒരു ചുക്കും സംഭവിക്കുകയില്ല. ഇതു ഇന്ഡ്യയാണ്. ഇതു കേരളമാണ്.
ഏതായാലും ഇടയ്ക്കിടെ അമേരിക്ക സന്ദര്ശിക്കുന്ന അദ്ദേഹത്തിന്, വന്വരവേല്പ് കൊടുക്കാന് മത്സരിക്കുന്ന കുഞ്ഞാടുകള് ഇതൊന്നു കേട്ടു പിന്തിരിയരുത്. അദ്ദേഹത്തിന്റെ അനുഗ്രഹത്തിനായി നമുക്കു കാത്തിരിയ്ക്കാം.
It’s estimated victims received between $15,000 and $300,000, depending on the severity of the abuse, how old they were when it started, and how many years it lasted.What followed were major cutbacks by the church.
In Moncton, diocesan staff was slashed by half, from 19 before 2013 to fewer than 10 now. Only two staff members were kept on full time.The diocesan centre in Dieppe, which used to be the home of the archbishop, was sold.Virtually no money is left in the church’s coffers.
Raju Mylapra brought to lime light these things including spiritual leaders and spiritual leaders should be traveling in expensive vehicles and that is the demands of some of the young lambs.