ന്യൂയോര്ക്ക്: സാഹിത്യകാരന്മാരെ ഫോമ നിരന്തരം അവഗണിക്കുന്നതില് ഖേദമുണ്ടെന്നു എഴുത്തുകാരനായ പ്രിന്സ് മാര്ക്കോസ്.
ഫോമയുടെ തുടക്കംമുതല് ഇതാണ് സ്ഥിതി. ആദ്യമൊക്കെ മേമ്പൊടിക്കെങ്കിലും നാട്ടില് നിന്നു സാഹിത്യകാരന്മാരെ കൊണ്ടുവന്നിരുന്നെങ്കില് അടുത്തയിടയ്ക്കായി തികഞ്ഞ അക്ഷരവിരോധമാണ് സംഘടന കാണിക്കുന്നത്. നാട്ടില് നിന്നു സാഹിത്യകാരന്മാരെ വേണ്ട, സാഹിത്യ സമ്മേളനങ്ങള്ക്ക് ആളില്ല, കൊണ്ടുവരാന് ഫണ്ടില്ല തുടങ്ങിയ ന്യായങ്ങളാണ് പൊതുവേ പറയുന്നത്.
ഫ്ളോറിഡ കണ്വന്ഷനിലും വരാന്പോകുന്ന ചിക്കാഗോ കണ്വന്ഷനിലുമൊക്കെ സാഹിത്യകാരന്മാര് വരുന്നതേയില്ല. അതേസമയം അവിഭക്ത ഫൊക്കാനയുടെ വാഷിംഗ്ടണ് കണ്വന്ഷനില് (1992) 24 സാഹിത്യകാരന്മാര് വന്നിരുന്നു എന്നത് മറക്കരുത്. മറ്റെല്ലാ കണ്വന്ഷനിലും നാലും അഞ്ചും പേര് വന്നിരുന്നു.
സാഹിത്യവും കലയും സംസ്കാരവും പ്രോത്സാഹിപ്പാകല്ലേ ഫൊക്കാനയും ഫോമയും. സാഹിത്യകാരന്മാര് വന്നില്ലെങ്കില് കണ്വന്ഷന് പൂര്ണ്ണമാകുമോ? വേറെ എന്തു മഹാകാര്യമാണ് സമ്മേളനത്തില് നടക്കുന്നത്? നടക്കേണ്ടത്? -പ്രിന്സ് മാര്ക്കോസ് ചോദിക്കുന്നു.