ന്യൂയോര്ക്ക്: 2012 ജൂലൈ 7,8 (ശനി, ഞായര്) തീയതികളില് ന്യൂയോര്ക്കിലെ യൂണിയന്
ഡെയിലിലുള്ള കെല്ലന്ബര്ഗ് മെമ്മോറിയല് ഹൈസ്കൂളില് വെച്ച് നടക്കുന്ന ശാലോം
ഫെസ്റ്റിവലിന്റെ രജിസ്ട്രേഷന് കിക്ക്ഓഫ് മാര്ച്ച് 25-ന് ഞായറാഴ്ച
ബ്രോങ്ക്സ് സെന്റ് തോമസ് സീറോ മലബാര് ദേവാലയത്തില് വെച്ച് നടത്തി.
പള്ളി കൈക്കാരന് ഇട്ടൂപ്പ് കണ്ടംകുളം, സണ്ണി മാത്യു, ജോസി പൈലി
എന്നിവരില് നിന്ന് ആദ്യ രജിസ്ട്രേഷന്, ഷിക്കാഗോ രൂപതാ ചന്സലര് ഫാ. വിനോദ്
മഠത്തിപ്പറമ്പില് സ്വീകരിച്ചു. പരിശുദ്ധ പിതാവിന്റെ ആഹ്വാന പ്രകാരം
നവസുവിശേഷവത്കരണ വര്ഷമായി ആചരിക്കുന്ന ഈ അവസരത്തില്, രക്ഷയുടെ സുവിശേഷം എല്ലാ
ജനതകളിലും എത്തിക്കുവാന് നാം പ്രതിജ്ഞാബദ്ധരാണെന്ന് വിനോദ് അച്ചന്
ഉത്ബോധിപ്പിച്ചു. വികാരി ഫാ. ജോസ് കണ്ടത്തിക്കുടി, ഫെസ്റ്റിവല് കോര്ഡിനേറ്റര്
സെബാസ്റ്റ്യന് ടോം, കമ്മിറ്റി അംഗങ്ങളായ ജോയി വാഴപ്പിള്ളി, ഷോളി കുമ്പിളുവേലി
തുടങ്ങിയവര് ചടങ്ങില് സംബന്ധിച്ചു.
`ഉണര്ന്ന് പ്രശോഭിക്കുക; നിന്റെ
പ്രകാശം വന്നു ചേര്ന്നിരിക്കുന്നു. കര്ത്താവിന്റെ മഹത്വം നിന്റെമേല്
ഉദിച്ചിരിക്കുന്നു' (ഏശയ്യാ 60-1) എന്നതാണ് ഈവര്ഷത്തെ ധ്യാനവിഷയം. സീറോ മലങ്കര സഭ
അമേരിക്കന് എക്സാര്ക്കേറ്റ് അധ്യക്ഷന് തോമസ് മാര് യൗസേബിയോസ് തിരുമേനി
മുഖ്യാതിഥിയായിരിക്കും.
കേരളത്തിലെ പ്രശസ്തരായ വചനപ്രഘോഷകര്
ശുശ്രൂഷകള്ക്ക് നേതൃത്വം നല്കും. രണ്ടുദിവസം നീണ്ടുനില്ക്കുന്ന ധ്യാനത്തിന്റെ
രജിസ്ട്രേഷന് ഫീസ്, പ്രഭാത ഭക്ഷണം, ഉച്ചഭക്ഷണം, ഡിന്നര് ഉള്പ്പടെ
മുതിര്ന്നവര്ക്ക് 60 ഡോളറും, കുട്ടികള്ക്ക് ( 5 വയസ് മുതല് 15 വയസുവരെ) 30
ഡോളറും ആണ്. അഞ്ചുവയസില് താഴെ പ്രായമുള്ള കുട്ടികള്ക്ക് രജിസ്ട്രേഷന്
ആവശ്യമില്ല. ബേബി സിറ്റിംഗ് സൗകര്യവും ലഭ്യമാണ്.
ധ്യാനം മൂന്നു
ഗ്രൂപ്പുകളായി തിരിച്ചായിരിക്കും നടത്തുക. മുതിര്ന്നവര്ക്ക് മലയാളത്തിലും,
യൂത്തിനും ടീനേജിനും ഇംഗ്ലീഷിലും പ്രത്യേക ധ്യാനം ഉണ്ടായിരിക്കും.
രണ്ടുദിവസം നീണ്ടുനില്ക്കുന്ന ആത്മീയ വിരുന്നിലേക്ക് ശാലോം മീഡിയ ഏവരേയും
സ്വാഗതം ചെയ്യുന്നു. താഴെപ്പറയുന്ന വെബ്സൈറ്റിലും രജിസ്ട്രേഷന്
ചെയ്യാവുന്നതാണ്. ചെക്ക്, ക്രെഡിറ്റ് കാര്ഡ് എന്നിവ സ്വീകരിക്കുന്നതാണ്.
www.shalomus.org
കൂടുതല് വിവരങ്ങള്ക്ക്: സെബാസ്റ്റ്യന് ടോം (201 407
0862), ജോയി വാഴപ്പിള്ളി (914 202 5003). ഷോളി കുമ്പിളുവേലി അറിയിച്ചതാണിത്.