പാകിസ്ഥാന്റെ ദേശീയ ദിന ചടങ്ങില്‍ പങ്കെടുക്കില്ലെന്ന്‌ ഇന്ത്യ
Published on 22 March, 2019
ന്യൂദല്‍ഹി: പാകിസ്ഥാന്‍ ഹൈ കമ്മീഷന്റെ ദേശീയ ദിന ചടങ്ങിലേക്ക്‌ പ്രതിനിധികളെ അയക്കേണ്ടതില്ലെന്ന്‌ കേന്ദ്ര സര്‍ക്കാര്‍ തീരുമാനം. ഹുറിയത്ത്‌ നേതാക്കളുടെ സാന്നിധ്യം ചൂണ്ടിക്കാട്ടിയാണ്‌ ഇന്ത്യ ചടങ്ങില്‍ നിന്നും വിട്ടു നില്‍ക്കുന്നത്‌.
പാകിസ്ഥാന്‍ ദേശീയ ദിനം ആഘോഷിക്കുന്നത്‌ മാര്‍ച്ച്‌
23നാണ്‌. എന്നാല്‍ ദല്‍ഹിയിലുള്ള ഹൈക്കമ്മീഷന്റെ ചടങ്ങ്‌ മാര്‍ച്ച്‌ 22നാണ്‌.
`പാകിസ്ഥാന്‍ ഹൈക്കമ്മീഷന്‍ ഹുറിയത്ത്‌ നേതാക്കളെ പരിപാടിയില്‍ ക്ഷണിച്ചതിനാല്‍
ഇന്ത്യയില്‍ നിന്ന്‌ ഔദ്യോഗിക പ്രതിനിധികളെ അയക്കേണ്ടതില്ലെന്നാണ്‌ ഉന്നതതല
തീരുമാനം'- കേന്ദ്ര സര്‍ക്കാര്‍ വൃത്തങ്ങളെ ഉദ്ധരിച്ച്‌ ഇന്ത്യന്‍ എക്‌സ്‌പ്രസ്‌
റിപ്പോര്‍ട്ടു ചെയ്യുന്നു.
കഴിഞ്ഞ അഞ്ചു വര്‍ഷങ്ങളിലും ഹുറിയത്ത്‌ നേതാക്കളെ ചടങ്ങില്‍ ക്ഷണിക്കുന്നതില്‍ ഇന്ത്യ അതൃപ്‌തി അറിയിച്ചിരുന്നെങ്കിലും ഇതാദ്യമായാണ്‌ എന്‍.ഡി.എ സര്‍ക്കാര്‍ ചടങ്ങില്‍ നിന്ന്‌ വിട്ടു നില്‍ക്കുന്നത്‌.
പുല്‍വാമ ഭീകരാക്രമണത്തിന്‌ പിന്നാലെ പാകിസ്ഥാനുമായുള്ള ഇന്ത്യയുടെ ബന്ധം വഷളയതാണ്‌ കേന്ദ്ര നേതൃത്വത്തെ കടുത്ത തീരുമാനമെടുക്കാന്‍ പ്രേരിപ്പിച്ചതെന്നാണ്‌ നിരീക്ഷണം.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala