സ്ളൊവേനിയയില് ഹോട്ട് എയര് ബലൂണ് അപകടം; നാലു മരണം
Published on 23 August, 2012
ലുബ്ളിയാന: യൂറോപ്യന് രാജ്യമായ സ്ളൊവേനിയയില് ഹോട്ട് എയര് ബലൂണ്
അപകടത്തില് നാലു പേര് മരിച്ചു. കുട്ടികളടക്കം 21 പേര്ക്ക് പരിക്കേറ്റു.
തലസ്ഥാനമായ ലുബ്ളിയാനയ്ക്കു സമീപമാണ് അപകടം. ലാന്ഡിംഗിനിടെ
മണ്തിട്ടയിലിടിച്ച ബലൂണിനു തീപിടിച്ചാണ് അപകടമുണ്ടായതെന്ന് ദൃക്സാക്ഷികള്
പറഞ്ഞു. ഉയരത്തില് പറന്ന ശേഷം ലാന്ഡിംഗിനു വേണ്ടി ആവശ്യമായ വേഗത
ക്രമീകരിക്കുന്നതില് ബലൂണിന്റെ പൈലറ്റുമാര് പരാജയപ്പെട്ടതാണ്
അപകടകാരണമെന്ന് കരുതുന്നു.
അപകടത്തില് പരിക്കേറ്റ എട്ടു പേരുടെ നില ഗുരുതരമാണെന്നാണ് റിപ്പോര്ട്ട്.
മോശം കാലാവസ്ഥയെത്തുടര്ന്നാണ് ബലൂണ് ലാന്ഡു ചെയ്യാന് പൈലറ്റുമാര്
തീരുമാനിച്ചത്. പൈലറ്റും കോ പൈലറ്റും അടക്കം 32 പേരാണ്
ബലൂണിലുണ്ടായിരുന്നത്. രക്ഷാപ്രവര്ത്തകര് അപകടസ്ഥലത്തെത്തിയപ്പോഴേയ്ക്കും
ബലൂണ് ഏറെക്കുറെ കത്തിനശിച്ചിരുന്നതായി അധികൃതര് പറഞ്ഞു.
പരിക്കേറ്റവരില് ഒരു ബ്രിട്ടീഷ് വനിതയും മൂന്നു ഇറ്റലിക്കാരും
ഉള്പ്പെടുമെന്ന് അധികൃതര് വ്യക്തമാക്കി. സംഭവത്തേക്കുറിച്ച്
അന്വേഷണത്തിനു പ്രാദേശിക ഭരണകൂടം ഉത്തരവിട്ടിട്ടുണ്ട്.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല