വാലി ഫോര്ജ്, പെന്സില് വേനിയ: വാശിയേറിയ തെരെഞ്ഞെടുപ്പില് ഫോമാ പ്രസിഡന്റായി ആനന്ദന് നിരവേലും (മയാമി, ഫ്ളോറിഡ) സെക്രട്ടറിയായി ഷാജി എഡ്വേര്ഡും (സ്റ്റേറ്റന് ഐലന്റ്, ന്യു യോര്ക്ക്) ട്രഷറായി ആനന്ദനൊപ്പം മത്സരിച്ച ജോയി ആന്റണിയും വിജയിച്ചു.
ടാമ്പയില് നിന്നുള്ള ജയിംസ് ഇല്ലിക്കല് പ്രസിഡന്റു സ്ഥാനത്തേക്കും തോമസ് ടി. ഉമ്മന് സെക്രട്ടറി സ്ഥാനത്തേക്കും ശക്തമായ വെല്ലുവിളി ഉയര്ത്തിയിരുന്നുവെങ്കിലും മുന് ഭാരവാഹികളില് ഭൂരിപക്ഷവും തുണച്ച ആനന്ദനും ഷാജിയും വിജയം നേടുകയായിരുന്നു.
ആനന്ദനു158 വോട്ടും ജയിംസിനു 97 വോട്ടും കിട്ടി. ഷാജി ഏഡ്വേര്ഡിനു 147; തോമസ് ടി. ഉമ്മനു 108.
ട്രഷററായി ഇല്ലിക്കലിനൊപ്പം മത്സരിച്ച സജി കരിമ്പന്നൂര് 116 വോട്ട് നേടി. ജോയി ആന്റണിക്കു 136 വോട്ട്.
അഡൈ്വസറി ബോര്ഡ് ചെയര് ആയി ജോണ് ടൈറ്റസ്, സജി ഏബ്രഹാമിനെ പരാജയപ്പെടുത്തി. (70-34). വൈസ് ചെയര് ആയി ജോസഫ് ഔസോ വിജയിച്ചു.
വൈസ് പ്രസിഡന്റായി വിന്സന് പാലത്തിങ്കല് ജയിച്ചു. 145. എതിര്ത്ത വിന്സന്റ് ബോസ് മാത്യുവിനു 145; കുര്യന് വര്ഗീസിനു 16.
ജോയിന്റ് സെക്രട്ടറി സ്റ്റാന്ലി വര്ഗീസ് കളത്തില്-169; എതിര്ത്ത ഒലിയാംകുന്നേലിനു 87.
ജോ. ട്രഷറര്: ജോഫ്രിന് ജോസ് 98; ജോസി കുരിശുങ്കല്-84; ഡോ. നിവേദ=57
നാഷണല് കമ്മിറ്റി, രണ്ടു പേര്: മെട്രൊ റീജിയന്: ഷാജി മാത്യു-140; ജോസ് വര്ഗീസ്-132; വര്ഗീസ് ജോസഫ്-117
എമ്പയര് റീജിയന്: തോമസ് ജോര്ജ്-152; തോമസ് മാത്യു-153; എ.വി. വര്ഗീസ്-117
വിജയികളെ ജയിംസ് ഇല്ലിക്കല്, തോമസ് ടി. ഉമ്മന്, സജി കരിമ്പന്നൂര് എന്നിവര് അഭിനന്ദിച്ചു. എന്നാല് പാനലില്ലാതെ വിജയിക്കാനാവില്ലെന്നാണു ഫലം വ്യക്തമാക്കുന്നത്. ഫൊക്കാനയെ പിളര്പ്പിലേക്കു നയിച്ച സംഭവ വികാസങ്ങളുടെ തനിയാവര്ത്തനമാണു ഇവിടെയും നടന്നിരിക്കുന്നത്. സംഘടന എപ്പോഴും തങ്ങളുടെ ചൊല്പടിക്കാവണമെന്നു ആഗ്രഹിക്കുന്ന എസ്റ്റാബ്ലിഷ്മന്റ് ഫോമയേയും നിയന്ത്രിക്കുന്നു എന്നാണു മനസിലാക്കേണ്ടത്. പുതുതായി ആരെങ്കിലും നേത്രുത്വത്തില് വരുന്നത് അവര് ഇഷ്ടപ്പെടുന്നില്ല എന്നു വ്യക്തം.
എങ്കിലും ജനവിധി മാനിക്കുകയും വിജയികള്ക്കൊപ്പം ഐക്യത്തോടെ പ്രവര്ത്തിക്കുകയും ചെയ്യും-അവര് പറഞ്ഞു.