ചിക്കാഗോ: നോര്ത്ത് അമേരിക്കന് കുടിയേറ്റ ചരിത്രത്തില് ക്നാനായ സമുദായം വിഷമകരമായ സാഹചര്യങ്ങളിലൂടെ ഇന്ന് കടന്നുപോകുകയാണ്. ചിക്കാഗോയിലെ രണ്ട് ക്നാനായ കത്തോലിക്കാ ഇടവകകളായ സേക്രട്ട് ഹാര്ട്ട്, സെന്റ് മേരീസ്, ചിക്കാഗോ കെ.സി.എസ്. എന്നിവയില് അംഗങ്ങളായ നൂറോളം ആള്ക്കാരുടെ ഒരു സമ്മേളനം ചേരുകയുണ്ടായി. പ്രസ്തുത സമ്മേളനത്തില്വെച്ച് ക്നാനായ സമുദായം നേരിടുന്ന പ്രശ്നങ്ങള്ക്ക് കൂട്ടായ പരിഹാരം കാണുന്നതിനും, കര്മ്മ പരിപാടികള് ആസൂത്രണം ചെയ്യുന്നതിനും ക്നാനായ സംരക്ഷണ സമിതി രൂപീകരിച്ചു.
അലക്സ് കണ്ണച്ചാംപറമ്പില് ചെയര്മാനായ കമ്മറ്റിയില് ജോസ് കണിയാലി, ജോര്ജ് തോട്ടപ്പുറം, മേയമ്മ വെട്ടിക്കാട്ട്, പീറ്റര് കുളങ്ങര, ജയ്മോന് നന്ദികാട്ട്, സഞ്ജു പുളിക്കത്തൊട്ടിയില് എന്നിവരെ കോര്ഡിനേറ്റര്മാരായി തെരഞ്ഞെടുത്തു. 51 പേരടങ്ങുന്നതാണ് വര്ക്കിംഗ് കമ്മറ്റി. ഇന്നത്തെ പ്രത്യേക സാഹചര്യത്തില് ക്നാനായ സമുദായം നേരിടുന്ന എല്ലാ പ്രശ്നങ്ങളിലും ശക്തമായി ഇടപെടാനും, നടപടി സ്വീകരിക്കുവാനും സംരക്ഷണ സമിതിയുടെ വര്ക്കിംഗ് കമ്മറ്റിയെ ചുമതലപ്പെടുത്തി.
റിപ്പോര്ട്ട്: ജോസ് കണിയാലി
ഏത് ക്രൈസ്തവ തത്വം അനുസരിച്ചാണു സമുദായം മാറി വിവാഹം കഴിച്ചവരെ പള്ളിയില് നിന്നു പുറത്താക്കണമെന്ന് പറയുന്നതു? പള്ളി പണിയാന് നിങ്ങള് കാശു മുടക്കിയിരിക്കാം. പക്ഷെ പണിതു സഭക്ക് നല്കിക്കഴിഞ്ഞാല് അതു ക്രിസ്തുവിന്റേതാണു. അതു നിങ്ങളുടേതാണെന്നു പറയാമോ?
അമേരിക്കയില് എന്ഡൊഗമി ഒരു കാലത്തും നടക്കാന് പോകുന്നില്ലെന്നു എല്ലാവര്ക്കും അറിയാം. ഇവിടത്തെ ബിഷപ്പുമാര് അത് അനുവദിക്കില്ല. നിയമം സമ്മതിക്കില്ല. അങ്ങനെ വന്നാല്, കറുമ്പിയെ കെട്ടിയ വേളുമ്പനെ അവന്റെ പള്ളിയില് നിന്നു പുറത്താക്കാനും അനുമതി കൊടുക്കേണ്ടി വരും.
അതിനാല് ഈ നിഴല് യുദ്ധം നിര്ത്തുക. നടക്കില്ലാത്ത കാര്യത്തിനു വേണ്ടി സമയം കളയാതിരിക്കുക. സ്വന്തം സമുദായത്തിലുള്ളവരോടു പുറത്തു നിന്നു കെട്ടരുതെന്നു പറയുക. പ്രശ്നം തീരും