ഞാനൊരു പാവം പശുവാണ്‌ 

ഞാനൊരു പാവം പശുവാണ്‌ 

എന്നെ വെറുതെ വിട്ടേര്

എന്നെ പലരും കാണുന്നു 

പലരൂപത്തിൽ കാണുന്നു 

കൃഷിക്കാരാണെൻ മിത്രങ്ങൾ 

അവരെന്നെ നന്നേ നോക്കുന്നു 

പച്ചപ്പുല്ലും വെള്ളവുമായി 

എന്നെ തീറ്റി പുലർത്തുന്നു  .

അവരെകാണും മാത്രയിൽ ഞാൻ 

ആനന്ദത്താൽ തുള്ളുന്നു 

എന്നുടെ മുലകൾ ചുരത്തുന്നു.

പാലും ചാണകോം  അവർക്കായി 

ഉപഹാരമായി നല്കുന്നു . 

ചിലരാണെങ്കിൽ കള്ളന്മാർ 

അവരുടെ നോട്ടം ശരിയല്ല 

കശാപ്പു കത്തിയുമായൊരുത്തൻ 

നാട്ടിൽ നിന്ന് കറങ്ങുന്നു 

മീശപിരിച്ചവൻ നോക്കുമ്പോൾ

അടിമുടി നിന്ന് വിറക്കുന്നു  

തനിയെ ഞാൻ മൂത്രം ഒഴിക്കുന്നു.

ഇന്നലെ വന്നൊരു സന്യാസി 

എന്നെ കണ്ടു തൊഴുതിട്ട് 

എന്നുടെ ചെവിയിൽ മന്ത്രിച്ചു 

'അമ്മയില്ലാതെൻ എൻരാജ്യം 

അനാഥമാണതു നീ അറിയേണം 

എന്നുടെ വാക്കുകൾ കേട്ടിട്ട് 

എന്നോടൊപ്പം നിന്നീടിൽ 

നീ രാഷ്ട്രമാതാവായിടും.

താടിയും മുടിയും നീട്ടിയവൻ 

കണ്ടാൽ കള്ള ലക്ഷണമാ.

കാവിവസ്ത്ര ധാരിയുമാ. 

അങ്ങനെ അവിടെ നിൽക്കുമ്പോൾ 

കുതിച്ചുവന്നൊരു മൂരിച്ചൻ 

മുക്ക്രയിട്ട് മൂരിച്ചൻ 

ഓടി ആകുന്നു സന്യാസി.

തലകുലുക്കി മൂരിച്ചൻ 

പ്രേമ ചേഷ്ട കാട്ടി ഒട്ടേറെ  

ഞങ്ങൾ ഒന്നായി ഒരു നിമിഷം 

കേട്ടകലെ ഒരു ഗാനം 

"കണ്ണിൽ കണ്ണിൽ നോക്കി നിന്നാൽ 

കരളിൻ ദാഹം മാറുമോ?"

  - വിദ്യാധരൻ