ബി.ജെ.പി തുടര്ന്നാല് ഇന്ത്യ 'ഹിന്ദു പാകിസ്ഥാനാകും' ശശി തരൂര്, മുന്നറിയിപ്പുമായി കോണ്ഗ്രസ്
Published on 12 July, 2018
ബിജെപി ഭരണത്തില് തുടര്ന്നാല് ഇന്ത്യ ഹിന്ദു പാകിസ്ഥാനായി മാറുമെന്നു ശശി തരൂര്. തരൂരിന്റെ പ്രസ്താവന ശരിയല്ലെന്നു കോണ്ഗ്രസ്. പുറമേ, എല്ലാ നേതാക്കളും വാക്കുകള് സൂക്ഷിച്ച് ഉപയോഗിക്കണമെന്ന മുന്നറിയിപ്പും കോണ്ഗ്രസ് നല്കി. 2019ലെ തിരഞ്ഞെടുപ്പില് ബി.ജെ.പി വിജയം ആവര്ത്തിച്ചാല് അവര് ഇന്ത്യയെ ഹിന്ദു പാകിസ്താനാക്കുമെന്നായിരുന്നു തരൂര് തിരുവനന്തപുരത്ത് നടന്ന പൊതുപരിപാടിയില് പറഞ്ഞത്. ഇതിനെതിരെ ശക്തമായി രംഗത്തെത്തിയ ബി.ജെ.പി നേതൃത്വം കോണ്ഗ്രസ് പ്രസിഡന്റ് രാഹുല് ഗാന്ധി മാപ്പു പറയണമെന്ന് ആവശ്യപ്പെട്ടു. പാകിസ്താന് എന്ന രാജ്യം ഉണ്ടായതിന്റെ ഉത്തരവാദികള് കോണ്ഗ്രസാണ്. അവര് തന്നെ വീണ്ടും ഇന്ത്യയേയും ഹിന്ദുക്കളേയും നിന്ദിക്കുകയാണെന്ന് ബി.ജെ.പി വക്താവ് സാംബിത് പത്ര ആരോപിച്ചിരുന്നു. ഇതിന് പിന്നാലെയാണ് മുന്നറിയിപ്പുമായി കോണ്ഗ്രസ് വക്താവ് രണ്ദീപ് സിങ് സുര്ജേവാല ട്വീറ്റ് ചെയ്തത്. കഴിഞ്ഞ നാലു വര്ഷമായി രാജ്യത്ത് അസഹിഷ്ണുതയുടേയും വെറുപ്പിന്റേയും അന്തരീക്ഷമുണ്ടാക്കിയത് ബി.ജെ.പിയാണ്. എന്നാല് ഇന്ത്യയുടെ സംസ്കാരിക മൂല്യങ്ങളായ ബഹുസ്വരതയും വൈവിധ്യവും, മതങ്ങളും വംശങ്ങളും തമ്മിലുള്ള ഐക്യവുമാണ് കോണ്ഗ്രസ് ഉയര്ത്തിപ്പിടിക്കുന്നത്. നമ്മളില് നിക്ഷിപ്തമായ ചരിത്രപരമായ ഉത്തരവാദിത്തം ബി.ജെ.പിയെ വിമര്ശിക്കുമ്ബോള് എല്ലാ കോണ്ഗ്രസ് നേതാക്കളും മനസിലാക്കണം സുര്ജേവാല വ്യക്തമാക്കി. എന്നാല് മാപ്പുപറയണമെന്ന ആവശ്യം ശശി തരൂര് പാടെ തള്ളിക്കളഞ്ഞു. അവര് ഹിന്ദു രാഷ്ട്രമെന്ന ആദര്ശത്തിന്റെ സംരക്ഷകരായിരിക്കുന്നിടത്തോളം ഞാന് എന്തിനാണ് മാപ്പു പറയുന്നതെന്ന് തരൂര് തിരിച്ചടിച്ചു.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല