Image

പ്രളയക്കെടുതി: 6,000 കുടുംബങ്ങള്‍ക്ക്‌ വീടുനിര്‍മ്മിച്ച്‌ നല്‍കാന്‍ ജാക്വിലിന്‍ ഫെര്‍ണാണ്ടസ്‌ അംഗമായ ഹാബിറ്റാറ്റ്‌ ഫോര്‍ ഹ്യുമാനിറ്റി ഇന്ത്യ

Published on 04 October, 2018
 പ്രളയക്കെടുതി: 6,000 കുടുംബങ്ങള്‍ക്ക്‌ വീടുനിര്‍മ്മിച്ച്‌ നല്‍കാന്‍ ജാക്വിലിന്‍ ഫെര്‍ണാണ്ടസ്‌ അംഗമായ ഹാബിറ്റാറ്റ്‌ ഫോര്‍ ഹ്യുമാനിറ്റി ഇന്ത്യ


പ്രളയക്കെടുതിയില്‍ നിന്ന്‌ കരകയറുന്ന കേരളത്തിന്‌ കൈത്താങ്ങായി ബോളീവുഡ്‌ താരം ജാക്വിലിന്‍ ഫെര്‍ണാണ്ടസും. പ്രളയത്തില്‍ വീടുകള്‍ നഷ്ടപ്പെട്ടവര്‍ക്കും ഭാഗികമായി വീട്‌ തകര്‍ന്നവര്‍ക്കും പാര്‍പ്പിടം നിര്‍മ്മിച്ച്‌ നല്‍കാനാണ്‌ ജാക്വിലിന്‍ അംഗമായ ഹാബിറ്റാറ്റ്‌ ഫോര്‍ ഹ്യുമാനിറ്റി ഇന്ത്യയെന്ന എന്‍ ജി ഒ സ്ഥാപനത്തിന്റെ തീരുമാനം.

പ്രളയക്കെടുതിയോടനുബന്ധിച്ച്‌ ആദ്യഘട്ടത്തില്‍ ഇവര്‍ 93,889 കുടുംബങ്ങള്‍ക്ക്‌ ആവശ്യസാധനങ്ങള്‍ ലഭ്യമാക്കീരുന്നു. ഇതിന്‌ പിന്നാലെയാണ്‌ വീട്‌ നഷ്ടപ്പെട്ട കുടുംബങ്ങള്‍ക്ക്‌ വീട്‌ നിര്‍മ്മിച്ച്‌ കൊടുക്കാനുള്ള തീരുമാനം.

പ്രളയത്തില്‍ എല്ലാം നഷ്ടപ്പെട്ട കേരളത്തിലെ ജനങ്ങള്‍ക്ക്‌ മറ്റുള്ളവരുടെ സഹായം ഇപ്പോള്‍ അത്യാവശ്യമാണെന്നും ജനങ്ങള്‍ക്ക്‌ വേണ്ടി നടത്തുന്ന നിര്‍മ്മാണ പ്രവര്‍ത്തനങ്ങളില്‍ എല്ലാവരും പങ്കുചേരണമെന്നും അവര്‍ ആരാധകരോട്‌ പറഞ്ഞു.
നിലവില്‍ പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്‍, പാലക്കാട്‌, വയനാട്‌, എന്നീ ജില്ലകളില്‍ നിന്നും തിരഞ്ഞെടുക്കപ്പെട്ട 6,000കുടുംബങ്ങള്‍ക്കാണ്‌ ജാക്വിലിന്റെ ഹാബിറ്റാറ്റ്‌ ഫോര്‍ ഹ്യുമാനിറ്റി വീടുനിര്‍മ്മിച്ച്‌ നല്‍കുന്നത്‌.

ശ്രീലങ്കന്‍ സ്വദേശിയായ ജാക്വിലില്‍ 2009 ലാണ്‌ ബോളീവുഡില്‍ അരങ്ങേറിയത്‌.



Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക